Текст песни Jawayya - MzumO

Stahn in Jawayya, gsehnen es Huus zerstört vo de Army
Bagger in Gelb, gseht Existenz, steckt sin Arm dri
Und de Weste kennt nu eis Land
Mengisch da fühl mi so einsam
Doch danke Gott jede Tag defür, dass ich es sichers Dihei han
Paar liged blutt im See, paari kabutt im Schnee
Und für es ganzes Land gits sit 48 kes Zrugggah meh
Sie hebt de Schlüssel fest vo ihrem Jiddo sim Huus
Teil vode Fam im Flüchtlingslager weggsperrt hinder de Muur
Lueg ide Schwiiz id News, fast niemert chunt drus
Und Europa spielt wieder mal Minderheite nu gegenand us
Studis a Unis hend am meiste cheggt da
2 Millione uf de Flucht, doch de meiste egal
Es git e Nakba au ide West Bank, Siedler sind alli bewaffnet
Hend Uniforme, sie sind s'Gsetz ez und gsehnd us wie Soldate
Alles da machbar, mitre M-16
Und eme koloniale System wo dir seit das du recht hesch
Ain Demokratia im Kibush
Gaza en Wecker d'Welt uf Snooze
Bibi de MC, Biden ade Ones and Twos
Twitterfinger ide Schwiiz gsehnd nume ei Siite vode Gschicht
Zwüsched em River und Sea 14 Millione mit PTSD
Fahr dur de Checkpoint lose Daboor Inn Ann uf mine Airpods
Gahne an Cypher aber de Shit fühlt sich ah winen Ted Talk
Frage wos stelled am Airport, bringed mich nüm us de Fassig
Doch wenni ehrlich bin nur es Privileg wo mir de roti Pass git
Mir werded profiled Shit isch nöd Facebook, Insta, Netlog
Wer verdient Menschewürdi und wer kriegt mit 14 en Headshot
Homies stönd vor Militärgricht, ohni Bewiis ide Azeig
2 Gsetz für 2 Völker, was wenn nöd das isch Apartheid?
Schlaf ime Huus mit Abrissbefehl, ganz normal in Area C
Wege de Bsatzig d'Strass nöd teert
Iigang id Stadt vo Soldate versperrt
Lern vo de Lüt Sumud, heisst bliib standhaft wenns dich abfuckt
Existiere heisst Widerstand, bis sie frei sind gahts nüme lang