Текст песни Ča Je Život Vengo Fantažija - Oliver

To je bilo ka u priči
Roko nije jema ništa
Cicibela još i manje
Ali ljubav sve izliči
On je bija anarkišta
Jemali su i kumpanje

To je bilo ka u priči
Punoj lustri i friškina
Ma je isto priča prava
Čulo se i grubi riči
Bumbilo se puno vina
Bolila je dikod glava

Trči vrime, cvili maška
Traje jubav pusta, siromaška
Šaka suza, vrića smija
Ča je život vengo fantažija

To je bilo ka u priči
Živili su ka golubi
I nosili svoje brime
S puno srca, s malo riči
Goli, bosi, gladni, grubi
Volili se cilo vrime

To je bilo ka u priči
Kad su bili puno jidni
Bombe, rašpe, livorvere
I još druge strašne riči
Vikali su oni bidni
Ma su prošle te nevere

Trči vrime, cvili maška
Traje jubav pusta, siromaška
Šaka suza, vrića smija
Ča je život vengo fantažija

To je bilo ka u priči
Malo sriće, puno jada
Puno zime i propuva
Ali jubav sve izliči
Boje vengo sto balada
Boje vengo štruca kruva

To je bilo ka u priči
Ma ih vise ovod nima
Na dnu mora su gajete
Sve beštimje, grube riči
Sve je prošlo poput dima
Vrime metlom sve pomete

Trči vrime, cvili maška
Traje jubav pusta, siromaška
Šaka suza, vrića smija
Ča je život vengo fantažija
Šaka suza, vrića smija
Ča je život vengo fantažija