Текст песни Überstar - Ostbahn-Kurti & Die Chefpartie

Am Anfang war wia immer
A oida Beatles-Song
"Love Me Do" wars, glaub i
Jo und dann dauerts nimma lang
Du kaufst da die erste Klampfn
Spüst Tog und Nocht
Auf amoi bist in ana Rock and Roll-Band
Und glaubst, du host as gschofft

Host as gschofft?

Du sagst zu deine Oidn
Hey, jetzt muaß was weitergeh
Du packst dei Zeig weilst waaßt
Es is Zeit fia a eigenes Lebn
Die Oidn mochn an Aufstand
Wiast sogst, du wüst jetzt geh - oba du sogst
Wann is jetzt ned pack, pack is nie
Und des werds es nie vasteh

Du host as gschofft
Und jetzt wiast a Überstar
Host as gschofft - yeah, yeah
Host as gschofft
Und jetzt wiast a Überstar
Die ganze Wöd, de Wöd liegt vua dir
Jetzt wiast a Star

Huachts

Du mochst dei erste Plattn
De wird promt Nummer Ans
Plötzlich wü di jeder singen hean
Und du host mehr Freind oisd brauchn kannst

Dei Lebn is a Freispü
Ollas wia im Film
Nur amoi drahst di um und sogst da
Durchblick hob i kan
Oba i gwinn

Du host as gschofft
Und jetzt bist a Überstar
Host as gschofft - yeah, yeah
Du host as gschofft
Und jetzt bist a Überstar
Die ganze Wöd, de Wöd de kniat vua dir
Weu jetzt bist a Star - da Überstar

Host as gschofft
Und jetzt bist a Überstar
Host as gschofft - yeah, yeah
Host as gschofft
Und jetzt bist a Überstar
Die ganze Wöd liegt und kniat vua dir
Weu jetzt bist a Star

Dann finden di deine Freind
In da Frua allaa im Bett
Neben de Tabletten und den Schnaps
Und es is ollas z'spät
Kana glaubt, dass sowas möglich is und dass du sowos kennst
Dabei host da nua des Lebn min Bleifuaß gebn
Und am End nimma dabremst

Host as gschofft
Du host as gschofft
Und jetzt bleibst a Überstar
Host as gschofft - yeah, yeah
Host as gschofft
Und jetzt bleibst a Überstar
Host as gschofft
Host as gschofft
Und jetzt bleibst a Überstar
Host as gschofft
Host as gschofft
Und jetzt bleibst a Überstar

Nananananana... höfts ma... nanananana... singts as, höfts ma... nananana...

So schauts aus! DIE CHEFPARTIE!!!