Текст песни Munasterio 's santa chiara - Peppino di Capri

Dimane?... Ma vurría partí stasera!
Luntano, no... nun ce resisto cchiù!
Dice che c'è rimasto sulo 'o mare
È sempre o stesso... chillu mare blu!
Munasterio 'e Santa Chiara
Tengo 'o core scuro scuro...
Ma pecché, pecché ogne sera
Penzo a Napule comm'era
Penzo a Napule comm'è?!
Funtanella 'e Capemonte
Chistu core mme se schianta
Quanno sento 'e dí da 'a gente
Ca s'è fatto malamente
Stu paese... ma pecché?
No... nun è overo...
No... nun ce créro...
E moro pe 'sta smania 'e turná a Napule...
Ma ch'aggi'a fá?...
Mme fa paura 'e ce turná!
Paura?...Sí... Si fosse tutto overo?
Si 'a gente avesse ditto 'a veritá?
Tutt'a ricchezza 'e Napule... era 'o core!
Dice ch'ha perzo pure chillu llá!
Munasterio 'e Santa Chiara...
'Nchiuse dint'a quatto mura
Quanta femmene sincere
Si perdévano ll'ammore
Se spusavano a Gesù!
No... nun è overo...
No... nun ce crero...
E moro pe' 'sta smania 'e turná a Napule!
Ma ch'aggi'a fá...
Mme fa paura 'e ce turná!