Текст песни มุกดาหารบ้านเฮา - ไผ่ พงศธร

เป็นเมืองหน้าด่าน มุกดาหารงามเด่น
แผ่นดินร่มเย็น ตั้งอยู่ริมฝั่งของ
สะหวันนะเขตเมืองฉงฉั่วบ้านพี่เมืองน้อง
มาเด้อพี่น้อง มาเที่ยวมายาม มุกดาหารบ้านเฮา
มาเด้อพี่น้อง มาเที่ยวมายาม มุกดาหารบ้านเฮา

2,313 เกิดเมืองงามตั้งอยู่หม่องนี้
เมื่อเจ้าจันทกินรีมาสร้างบ้านสร้างเมืองเรืองนาม
เมืองที่มีแปดชนเผ่า เมืองที่มีแต่คนน้ำใจงาม
แหล่งท่องเที่ยวกะมีแต่หม่องงาม ๆ
แหล่งท่องเที่ยวกะมีแต่หม่องงาม ๆ
มีวัฒนธรรม ประเพณีหลากหลาย

มาเด้อพี่น้อง มาเด้อ มาเที่ยวมายามมุกดาหารบ้านเฮา

ฮีต 12 คอง 14 เป็นวิถีที่ยังคือเก่า
บุญกองข้าวไขประตูเล้า ประเพณีที่บ่เคยสูญหาย
ประเพณีแห่กัณฑ์หลอน เป็นตาสะออนได้บุญสุขใจ
ออกพรรษากะยังมีบุญใหญ่ ออกพรรษากะยังมีบุญใหญ่
แข่งเรือลาวไทย มุกดาหาร สะหวันนะเขต

มาเด้อพี่น้อง มาเด้อ มาเที่ยวมายามมุกดาหารบ้านเฮา

เฮามีหมอลำผีฟ้า ช่วยรักษาคนป่วยให้เซา
เฮามีพิธีเหยา ที่หมู่เฮายังคงสืบสาน
มาเบิ่งโซ่ถั่งบั้ง มาผูกแขนบายศรีสู่ขวัญ
ลำผญาย่อยหัวดอนตาล ลำผญาย่อยหัวดอนตาล
กะเป็นตาฟัง ฟังแล้วม่วนหลาย

มาเด้อพี่น้อง มาเด้อพี่ มาเที่ยวมายามมุกดาหารบ้านเฮา

แก่งกะเบาอยู่ที่หว้านใหญ่น้ำตกเย็นใสตาดโตนหนองสูง
เรียนเชิญพี่ป้าน้าลุง ภูผาเทิบอำเภอเมืองและดอนตาล
ภูหมูนิคมคำสร้อยก็งามไม่น้อยมีชื่อมานาน
หมู่บ้านเชิงวัฒนธรรม หมู่บ้านเชิงวัฒนธรรม
ยังมีให้เบิ่งอยู่ชุมชนบ้านภู

มาเด้อพี่น้อง มาเด้อ มาเที่ยวมายามมุกดาหารบ้านเฮา

มุกดาหารเมืองดีน่าเที่ยว ไผได้มาเที่ยวสิมีแต่ความโชคดี
องค์พระใหญ่ศักดิ์สิทธิ์อิหลี สาธุชนกราบไหว้บูชา
องค์นพ่อนาคายิ่งใหญ่ ไหว้ขอพรพ่อปู่ศรีมุกดา
อยากชมเมืองที่สวยงามจับตา อยากชมเมืองที่สวยงามจับตา
ขึ้นหอแก้วชมเมืองสองฝั่ง

มาเด้อพี่น้อง มาเด้อ มาเที่ยวมายามมุกดาหารบ้านเฮา
มาเด้อพี่น้อง มาเด้อ มาเที่ยวมายามมุกดาหารบ้านเฮา