Текст песни Palomma e notte - Pietra Montecorvino

Tiene mente 'sta palomma,
Comme gira, comm'avota,
Comme torna n'ata vota
Sta ceròggena a tentá!
Palummè' chist'è nu lume,
Nun è rosa o giersummino...
E tu a forza ccá vicino
Te vuó' mettere a vulá!...

Vatténn"a lloco!
Vatténne pazzarella!
Va' palummella e torna,
E torna a st'aria
Accussí fresca e bella!...
'O bbi' ca i' pure
Mm'abbaglio chianu chiano,
E che mm'abbrucio 'a mano
Pe' te ne vulé cacciá?...

Carulì, pe' nu capriccio,
Tu vuo' fá scuntento a n'ato...
E po' quanno ll'hê lassato,
Tu, addu n'ato vuo' vulá...
Troppi core staje strignenno
Cu sti mmane piccerelle;
Ma fernisce ca sti scelle
Pure tu te puo' abbruciá!

Vatténn' 'a lloco!
Vatténne pazzarella!
Va' palummella e torna,
E torna a st'aria
Accussí fresca e bella!...
'O bbi' ca i' pure
Mm'abbaglio chianu chiano,
E che mm'abbrucio 'a mano
Pe' te ne vulé cacciá?...

Torna e va', palomma 'e notte,
Dint'a ll'ombra addó' si' nata...
Torna a st'aria 'mbarzamata
Ca te sape cunzulá...
Dint"o scuro e pe' me sulo
'Sta cannela arde e se struje...
Ma ch'ardesse a tutt'e duje,
Nun 'o ppòzzo suppurtá!

Vatténn"a lloco!
Vatténne pazzarella!
Va' palummella e torna,
E torna a st'aria
Accussí fresca e bella!...
'O bbi' ca i' pure
Mm'abbaglio chianu chiano,
E che mm'abbrucio 'a mano
Pe' te ne vulé cacciá?...