Текст песни Anyol (Reimagined) - Prasnasunya

चारैतिर अँध्यारो
म प्रकाश खोज्दिन
बाध्यतामा हराएछु
आवश्यक्ता पोख्दिन
तर समय अनिश्चित

म गाता नभएको किताब
शिर्षक खोज्दैछु
सोच भित्रको रोजाईहरुमा
जिज्ञासा पोख्दैछु
मेरो अहंकारलाई लक्षित

मलाई थाहा छैन
कि मलाई के थाहा छैन
एउटै आवाज मस्तिस्कमा
कि म यहाँ छैन

मलाई हेर्ने दृष्टिकोण परिवर्तन भएछ
परिभाषाको परिधिमा बाधिएछु
मन र विचार बिचको नियन्त्रणमा आज
नितान्त एक्लै म आत्तिएछु
बाहिर उज्यालो म पग्लिन्छु
भित्र अँध्यारो बरु मैलिन्छु
बद्लिने डर छ बिलाउने हैन
उदाहारण यहाँ धेरै
तर परिणामहरु छैन

मलाई थाहा छैन
कि मलाई के थाहा छैन
एउटै आवाज मस्तिस्कमा
कि म यहाँ छैन

माया र मोह
पाप र पुण्य
उत्तरहरु धेरै
तर प्रश्न
शून्य