Текст песни Marechiare - Roberto Murolo

Quanno sponta la luna a Marechiare
Pure li pisce ce fanno a ll'ammore
Se revotano ll'onne de lu mare
Pe' la priezza cagnano culore
Quanno sponta la luna a Marechiare

A Marechiare ce sta 'na fenesta
'A passiona mia ce tuzzulea
'Nu garofano addora dint'a 'na testa
Passa ll'acqua pe' sotto e murmulea
A Marechiare ce sta 'na fenesta

Chi dice ca li stelle sò lucente
Nun sape 'st'uocchie ca tu tiene 'nfronte
'Sti ddoje stelle li ssaccio io sulamente
Dint'a lu core ne tengo li pponte
Chi dice ca li stelle sò lucente?

Scetate, Carulì, ca ll'aria è doce!
Quanno maje tantu tiempo aggio aspettato?
P'accumpagnà li suone cu' la voce
Stasera 'na chitarra aggio purtato
Scetate, Carulì, ca ll'aria è doce!

Aaaah aaaah aaaah aaaah
Aaaah aaaah aaaah aaaah
Ascetate!, Ascetate!
Scetate, Carulì, ca ll'aria è doce!