Текст песни Ghequetst - Schwarzblut

Ghequetst ben ic van binnen,
Doer wont mijn haert soe seer,
Die strael van haere mijnnen
Stoert mijn hoe langher hoe meer.

U gunst heeft mijn ghetoeghen,
Ghebroecht in swaer verdriet,
Nu slaet op mijn u oghen,
Mijn lijde druck aensiet.

Een hart vervolt mit lijden
Drach ic tot u sertein,
Het roept tot allen tijden:
Och waer ic mit u alleijn!

Recht als een roes ontloken,
Soe staet mijn hoep nae dij;
Had ic u lief ontloken,
Mijn hart dat waer soe vrij.

Dat hart van u noed mi te gast,
Ic wijl betaelen mijn ghelach,
Daer in te leggen heb icket ghepast,
Ghij sijt alleen die mijn troest gheven mach.

Const ic u gunst vergheten,
Soe waer ic schier ghesont:
Maer neen, ghij hebt beseten
Soe vast mijns hertsen gront.

Ghequetst ben ic van binnen,
Doer wont mijn haert soe seer,
Die strael van haere mijnnen
Stoert mijn hoe langher hoe meer.