Son

Jy kom soms met die son
Soms met n steek pyn om
Is als in die groter plan
Skadus van donker
Skepe oor dorpe

Laat my dan val
As ek in jou in kan val

Jy kom soms met die berg
Soms in n leë vertrek
Is als in die groter werk
Lyne van donker
Liefde wat wonder

Laat my dan val
As ek in jou in kan val

Het jy al jou hoop spandeer
Ek sal jou rus kom vra hier
Maar ek dink jy weet

Het jy al jou hoop spandeer
Sal jy wag vir my
Voor ons uit ons lywe
N ander pad betree

In die geel warm lig
Van die lente son
Bly die skerp winter
Klippies in die wind vermom
Die groen vallei en sy doringbome
Gehaak en krom
Wolke krappers volg hom dapper
Bo die dorp te drom
Kronkel strate verlate grys
In die skemer son
Bars uit hul nate en
Skaterlag as die reën weer kom
Die wind het warm en heilig
Af teen die berge
Die sterre hang teen die donker
Soos engele bo die Paarl