Текст песни أول - The Synaptik

كمان دفشة لنعشق المطور
الشب متجذر لا تواخدني
انا ماسكني بولباسور
اللقمة براس الزور
قد ما في ببطني فراش
بعمل حفر امتصاص
قد ما المشهد في براز
عاض عسناني وعسلك الكهربا
ومار فيّ ميت واط محدش قلي مرحبا
الدخان طلع من راسي فهجمه الاكتيفيستس
لا يصح ان اكون للشيطان ادفوكيت
كل حدا فيو نجم بس مين السوبر نوفا
وانا احمد فؤاد نجم بالجولان مع جوليا روبرتز
حط عليّ طابع ونزلني عالسوق
مشيّك زي دوار الرابع بعد وقفات الجوع
بارد وجه زي وجه واحدة بفقر دم
عكس المثل زي غريب وانا عولاد العم
صوتي عالي بس بضلو بالوصلات
في النهاية العصبية ما في داعي للاصوات
كاراتيه دير بالك من البوكسات
محطوط بين كراتين فبعمل من الواقع بوكسات
حول حول هنالك خلل في المحول
عإجري واقف قصير فرابي شوي بيطول
هات منديل ت امسح دموع الفرحة
كل القبلي كان بطيخ فردي سكين وشرحة
والصبر عفن وغز حاله بإبرو
عالضريح الموت زارو فحاس حاله فيغارو

تركنا كلشي حتى نبدى صح من أول
صحيح انت معاي هسه وين كنت بالاول
سمعت حكي كثير لانه بيوم سكوتي طوّل
فمعلش متأخذنيش لما ارد أول بأول
مش اسف عالأغلاط اسف على الثقة
مش اسف عالاغراض اسف ع ما نيجاز
مش اسف عالأغلاط اسف على الثقة
مش اسف عالاغراض اسف ع ما نيجاز

قشطة قشطة لانو المستقبل الي
كلهم صار لازم ينطو لانه البار كثير علي
ضحي بحالك بتعاطفوا خد مسيح وعلي
وفوق مقامك بتلابطوا زي قهوة بدها غلي
بدهم ردة فعل بس بخافوا لما تنجز
يعني بطلبو البرهان بس بتفاجئوا بس تعجز
وبيعجزوا وبيرجعوا يعووا زي التشلاب
وانت وقتك اثمن من تضيع لحظة برة اللاب
كلهم ختايير نفسين وبدهم رئة
وانا بضربة واحدة بقدر اسقط مئة
الوضع ملق لازم افرج عن العته
كلهم washed out طلع الواحد برة انلفح
ولساتني كاظم مش عم بفرج عم براكم
والغلاية بالقلاية وباقي الرابرز زي طماطم
او بندورة اذا بتحب بتهين حالك بس تسب
بنراب لحد منموت وبعديها بنستتب

تركنا كلشي حتى نبدى صح من أول
صحيح انت معاي هسه وين كنت بالاول
سمعت حكي كثير لانه بيوم سكوتي طوّل
فمعلش متأخذنيش لما ارد أول بأول
مش اسف عالأغلاط اسف على الثقة
مش اسف عالاغراض اسف ع ما نيجاز
مش اسف عالأغلاط اسف على الثقة
مش اسف عالاغراض اسف ع ما نيجاز
تركنا كلشي حتى نبدى صح من أول
صحيح انت معاي هسه وين كنت بالاول
سمعت حكي كثير لانه بيوم سكوتي طوّل
فمعلش متأخذنيش لما ارد أول بأول
مش اسف عالأغلاط اسف على الثقة
مش اسف عالاغراض اسف ع ما نيجاز
مش اسف عالأغلاط اسف على الثقة
مش اسف عالاغراض اسف ع ما نيجاز