Текст песни Ämmelied - Tinu Heiniger

Vo Schache zu Schache
Am Ämmebett nache
Uf Matte u Wäge
Am Bach na z düruf
Vo Schache zu Schache
Am Ämmebett nache
Ar Quelle egäge
U ds Härz geit dir uf

Da ghörsch Amsle, wo singe
Gsehsch Forälle, wo springe

Triffsch Fischer, wo di grüesse
Ghörsch d' Schütze bim Schiesse

E Buechfink, e Meise
E Milan zieht Kreise

Maschine ghörsch lärme
U när muesch a Schärme

Du wartisch, wo ds Gwitter
Verbyzieht, geisch wyter

E Hunter dröhnt düre
Jetz chunnt d' Sunne füre

U zmitts im ne hälle
Liechtstrahl e Libälle!

Vom Chilchturm schlö d' Glogge
Jetz chunnt eine z tschogge

E Frou chunnt cho z ryte
Du ghörsch dyner Schritte

Im Chies u im Gras
Wytwäg tönt e Strass

Dür ds Fäld rennt e Has
E VW git Gas!

Blyb sta, hock di häre
A d' Amme, di schwäre

Gedanke la se sy
U bis eifach hie!

U jetz, jetz hocksch da
U d' Zyt blybt dir sta

Du wosch nume nö sy
U gäu 's hudlet di chly

Wo de merksch, du u d' Ämme
Dir ghöret ja zäme

U jetz chaisch se gspüre
Sie fliesst dür di düre

U der Luft fahrt dir chüehl
Über ds Gsicht un es Gfüehl

Vo Abschied, vo verla
Vo mau müesse ga

Strycht a dir verby
U gsehsch, das Blatt hie

Am Rand isch scho rot
Vom Herbscht - u der Tod

Hocket ou hie am Bach
Näbe dir, scho rächt nach!

D' Böim ruusche im Wind
Vo wyt rüeft es Chind

E Hung git a, Söi
Göisse Iut, 's schmöckt nach Höi!

U grau u läng lege
Sich d' Schätte uf d' Egge

Über d' Höger, uf d' Fäuder
I d' Chräche, i d' Wäuder

D' Nacht ligt scho im Tau
Us Fäischter schynt's blau

I de Stube geit's bunt
Zue, wüll d' Tagesschou chunnt!

Vo Schache zu Schache
Am Ämmebett nache
Uf Matte u Wäge
Am Bach na z düruf
Vo Schache zu Schache
Am Ämmebett nache
Ar Quelle egäge
U ds Härz geit dir uf