Текст песни Some of These Days - Tinu Heiniger

'S isch achti gsy
Der Zug fahrt y
Wartet d' Lilo ächt no
Bim Casino?

Ds Rohr ab, ei Spurt
D' Lilo scho furt
Ja nei! Ne nei!
Jetz isch die hei

Dasch doch e huere Shit
I chume nie zur Zyt
I sta voruss im Schnee
U si het d' Billet

Stärnesiech nomal!
Ghörsch, usem Lüüchtersaal
Da tönt's u swingts scho heiss:
"Some of these days!"

I sta im Schnee, im Schilf
Du, liebe Heiland hilf
Ja klar! Dä isch nie da
We me ne mau Sött ha!

Haut lue: Di schwäri Tür
Geit plötzlech uf vor mir
Di blondi Kassefrou
Winkt nätt seit: "Tschou!

Mi gseht dir's a, hesch keis!
Da lue i ha dir eis!"
"Ou, wau, was choschtet das?"
"Das choschtet nüt! Viu Spass!

"Thanks tuusig Mal!"
Jetz dert zum Lüüchtersaal
Füehrt mi my Reis
"Some of these days!"

I weiss nid wie, ufzmal
Stan i im Lüüchtersaal
Mit füechte Ouge, nasse Händ
Ganz vore bir Chris Barber Band

Dert vor am Bühnirand
Berüehrt ufzmal my Hand
Ganz fyn u lys
Der Schue vom Chris!

Der Liebgott and his band
And all is now, alls isch Momänt
Mys Härz full of his blues
My Hand dert uf sym Fuess

Zu syr Posune us
Wachst jetz e Bluemestruuss
U uf sym Schue da glänzt my Schweiss
Some of these days!

And now, di letschte Tön
"Gäu, Tinu, ärdeschön!"
Seit plötzlech näbedra
E Frou, luegt mi lieb a

"Hey tschou Lilo!
Ghörsch! Das spili einisch O!"
"Ou yeah, Tiny, i weiss
Some of these days!"