Текст песни Ae Malik Tere Bande Hum, Pt. 2 - Vasant Desai

Ae maalik, tere bande hum
Aise ho humare karam
Neki par chale aur badi se tale
Taaki hanste huye nikle dam
Ae maalik, tere bande hum

Bada kamzor hai aadmi
Ab bhi lakhon hain is mein kami
Par tu jo khada, hai dayalu bada
Teri kripa se dharti thami

Diya tune humein jab janam
Tu hi jhelega hum sab ke gham
Neki par chale aur badi se tale
Taaki hanste huye nikle dam
Ae maalik, tere bande hum

Yeh andhera ghana chha raha
Tera insaan ghabra raha
Ho raha be-khabar, kuch na aata nazar
Sukh ka suraj chhupa ja raha

Hai teri roshni mein jo dam
To amavas ko kar de poonam
Neki par chale aur badi se tale
Taaki hanste huye nikle dam
Ae maalik, tere bande hum

Jab zulmon ka ho samna
Tab tu hi humein thamna
Woh burai karein, hum bhalai bharein
Nahin badle ki ho kamna

Badh uthe pyar ka har qadam
Aur mite bair ka yeh bharam
Neki par chale aur badi se tale
Taaki hanste huye nikle dam
Ae maalik, tere bande hum