Vüqar Əbdülov - Azərbaycan Rəqsləri текст песни

Текст песни Azərbaycan Rəqsləri - Vüqar Əbdülov



Çox şadıq ki, belə bir gözəl gündə biz varıq
Biri-birindən bundan da gözəl günlər arzularıq
Arifik, biz çalınan hər havaya oynamarıq
Səslənə indicə meydan havası, yerinə düşər
Bir köhnə Azərbaycan havası yerinə düşər
Dahilər var ki, gözəl musiqi dastanı yazır
Üzeyir həm "Sənsiz"i, həm "Sevgili Canan"ı yazır
"O Olmasın, Bu Olsun", "Arşın Mal Alan"ı yazır
Bu gün məhz "Süleymani" havası yerinə düşər
Daha bir Azərbaycan havası yerinə düşər
Yaranandan bu təravətlıə qalıb "Heyvagülü"
Əli Kərimov qara zurna ilə çalıb "Heyvagülü"
Bəy xan rəqsi deyirlər ki, olub "Heyvagülü"
İndi də, məncə, bu bəy, xan havası yerinə düşər
Oynaq bir Azərbaycan havası yerinə düşər
"Segah"ı qeyd elədik, indi deyək "Şüştər"dən
Bəlkə bir "Uzundərə" xahiş edək sizlərdən
Bu "Uzundərə"yə "Məşədi İbad" da deyirlər hərdən
Bu qoca fəndi "Qocaman" havası yerinə düşər
Bu lirik Azərbaycan havası yerinə düşər
"İnnabı" qəşəng bir rəqsdir, sözləri yox idi
Onu Bülbül gözəl bayatıları ilə oxudu
Bəhruz da "İnnabı"ya gözəl çələnglər toxudu
Həmin o "Yastı Balaban" havası yerinə düşər
Bu həzin Azərbaycan havası yerinə düşər
Mən aşiq gözlərinə
Baxım gözlərinə
Mən aşiq gözlərinə
Baxım gözlərinə
Özüm özünə qurban
Gözüm gözlərinə
Özüm özünə qurban
Gözüm gözlərinə
Özüm özünə, özüm özünə
Özüm özünə qurban
Gözüm gözlərinə
Dedikcə yadıma düşür qəşəng İsi "Naz Eləmə"si
"Yüz bir"i, "Bəxtəvər"i, "Kalxoz"usu, "Keçməmə"si
Kəndlinin ən sevilən, oynanılan "Tərəkəmə"si
Bir Əşrəfin "Şüvəlan" havası yerinə düşər
Gürcüstan-Azərbaycan havası yerinə düşər
Çoxları bacarmaz ağır "Qoç Əli" oyanmağı
Ya gərək rəqqas ola, ya da Kubinka uşağı
Bir gözəl rəqs var, adına deyirlər "Qazaxı"
O da bir qoçaq, növcavan havası yerinə düşər
Şıdırğı Azərbaycan havası yerinə düşər
Vokalist oxudu Brilliant kimi toysayağı
Saldı yaddaşımıza "Köhnə Bakı" oynamağı
Bir gözəl "Cığatayı", bir "Cahangirin papağ"ı
Bir ki, gözəl "Xan Çoban" havası yerinə düşər
Bu ritmik Azərbaycan havası yerinə düşər
Bizim bu milli rəqslərdə bir məlahət var
Sanki bir saflıq var, sanki bir təravət var
Məsələn, "Mirzəyi"də incə bir lətafət var
Dinləsək indi toy-nişan havası yerinə düşər
Lətif bir Azərbaycan havası yerinə düşər
"Mirzəyi" çalındıqca, balaban fəryad qoparır
Adamı özü ilə bir sirli aləmə aparır
"Vağzalı" ilə toy başlayır, "Vağzalı" ilə qurtarır
Vüsala çatdıran hicran havası yerinə düşər
Bu şirin Azərbaycan havası yerinə düşər



Авторы: Vüqar əbdülov


Vüqar Əbdülov - Azərbaycan Rəqsləri
Альбом Azərbaycan Rəqsləri
дата релиза
15-10-2008




Внимание! Не стесняйтесь оставлять отзывы.