Текст песни Al Lail Sada - Ahlam

الليل سادة ، و الطواريق مُرّة
و الحلم حالي ، بس ماله مواري

إحساسي اللي لو بقى منه ذرَة
والله ما تذري عليها الذواري

و الجرح أبرا منه ، و احيان ابرّه
وان مابرى ، او مابراني ، مباري

ان ماسمعت لناي الاوجاع جَرّه
في داخله تجري عليه الجواري

واللي نشد عن وجد قلبي و سرّه
خذوه معهم يمّ هاك المحاري

البعد هذا ، يكفي الله شرّه
غريب و عيون المقفّي دياري

لا جيت اعاتب بالهوى و اتشرّه .
و لا رحت اباخذ بالغيابات ثاري

لله درّ الصمت لله درّه .
مابه حسايف لو جروحه ضواري

لا ضيقةٍ تكسف عيون المسرّة
ولا عتيمٍ تقتفيه (المساري)

قلبي لاهو بارد ، ولا فيه حرّة
و بالي خليّ من العَسس و الطواري

هذي سواحل راكد الدمع ، مُرّه
يوم اجحفت في حقَ اهلها العباري

تسري رجاوينا على حين غرّة
و الحرّ ما يبلش بصيد الحباري