Текст песни Ellak - Ahlam

غفيت وما حضن جفن الشعور الاك
صحيت وما وقف غيرك على اهدابي

حبيبي واللقا لحظة مطر و ياك
سقت قلبي قبل ما تسقي ترابي

عسى حظٍ جمعني بك ، معي ينساك
و لا تبعد بعد ما صرت أحبابي

عسى عمرٍ بدونك مرّ بي ، يفداك
و عسى الله لايجيب البعد و غيابي

لقيت اللي عجزت القاه ، قبل القاك
و نسيت اللي ابي انساه ، من ما بي

أبد ما ضقت منك الا على مسراك
اضيق بغيبتك حتى من ثيابي

بدا عمري بعد بَسمَة رضا بشفاك
و ختمت بحبك اجمل سطر بكتابي

ابيع اللي ملكته بالعمر لرضاك
وانا لي بالشعور الحلو اسبابي