Текст песни 一夫當關 - 農夫

人人話我 rap 到好正 (F.A.M.A)
人人話我 rap 到好正 (CMD yo)

我叫做 Mr. 6 佢係 Mr. C
開始嗰時 諗住寫下歌詞
你知我哋唔係公子哥兒
玩音樂無咁易

或者咁啱你聽過 你啲 friend 話鐘意
鐘意埋我媽咪 農夫兩個字
你開始知道不只係耕田人仕
好似係個相對地靚仔加個相當得意嘅 MC
幾隻CD 有唔少人支持 仲有更多人 BT
而家連祖名都知佢自己幾似我

我話過冇狗仔隊跟我最後掹車邊都跟咗
不過報導有啲錯 佢話我賣得嗰
一千隻 喂一千隻喺我哋頭一分鐘已經賣出咗

我哋一路造嘅歌 得到貴人相助
Featuring 麥玲玲 詹瑞文都搵我
評語有好有差 有人話太商業化
你話聽唔出我啲歌嘅中心思想

以你嘅智商畫畫都要畫出腸
定係以後出 Show 出碟唔出樣
咁樣就合乎你對 Hip-Hop 嘅想象?
我由得你點想我有我理想

我想你每一次個耳筒塞住耳仔嘅同時
每一次失意聽到我哋寫嘅每一個字
都會心微笑 其他都唔重要

當我話 456 你仲會叫 (6 wing)
我話 ABC 君你話 (好搞笑)
咁已經夠我回味 再造好歌俾你哋
我有我哋繼續我哋嘅 Hip-Hop

人人話我 rap 到好正 (F.A.M.A)
人人話我 rap 到好正 (CMD yo)

係時候重新講返以前每一首作品
由月下思到鄭永芝到音樂大亨
有人話越做越無心 有人越聽越開心
又有無人會認認真真諗諗我哋點諗

你話我少鰦諷刺時弊為過癮而過癮
呢啲人平日唔睇報紙靠聽歌知新聞
你話香港無音樂 淨係得娛樂
根本音樂就係娛樂點解要將佢哋分割

做咗十年 Hip-Hop 先至發覺
最好嘅創作唔只要你識得我
仲要你識得笑唔只要你賞識我
仲要你想起我即刻笑

每隻唱片背後 幾多晚通宵捱眼訓
每次表演之後 幾多人睇得好興奮
化妝粉底背後 個眼袋裝得落十蚊銀
嬉皮笑臉玩世不恭背後幾咁認真

無可能 鍾意我所有作品
無可能 買晒我所有產品
有可能 只要你聽得開心
你就企起身

人人話我Rap到好正 (F.A.M.A)
人人話我Rap到好正