Songtexte بضيعة زغيرة - Lebanese Maronite Order

هَلِلُويا
بْضَيْعَه زْغيرِه مِنسِيِّه كانْ في صَبِيِّه
أَلله مَعْهَا وْعاطيها نِعمِه روحيّه
نَدْرِتْ عُمْرا
مِنْ أَوَّلْ عُمْرا
تِبقَى عَدْرا
هَالحِلْوِه العَدْرا
زَهْرِةْ زَنْبَقْ مِخفيِّة عاشِتْ بِالفَيِّه
تِنشُر عِطْرِ الحِنِّيِّه عَالإِنْسانِيِّه
هَلِلُويا عَدْرا وْإمَ الله

هَالحِلْوِه لَيْلِه بْتِصْحَا عَ صَوْت يْقِلاّ
يا مَرْيَمْ عِنْدي بْشارَه باعِتْها أَلله
قَبْلِ الأَكْوانْ
رَبِّي مْنَقيكِي
بْصورِة إنْسانْ
يِتْجَسَّدْ فيكِي
وْيا بْشارَه حِلْوِه طارِتْ بِالعالَمْ كِلُّو
ٱلْعَدْرا إِمَّ الله صارِتْ هَنُّوها وْصَلُّوا
هَلِلُويا عَدْرا وْإمَ الله

يا مَرْيَمْ يَلِّي نْقَلْتِ هَالنِّعْمِه لَيْنا
يا الأَحْلى بْشارَه حْمِلْتِ صِبِّيها عْلَيْنا
يا إمِّ النُّورْ
هَالنُّورِ الصَّافي
الْجايي تَيْزورْ
عالَمْنا الغافي
وَعِّينا حَتَّى نِفْهَمْ مَعَنى هَالزّيارَه
وْمِتْلِكْ يا عَدرا مَرْيَمْ نِحْمِلْها بْشارَه
هَلِلُويا عَدْرا وْإمَ الله