Songtexte يا سابق مولاك - Lebanese Maronite Order

يا سابِقْ مَوْلاكْ
تِنْشُرْ أَعْلامو
مِن عِنْدو وَدَّاكْ
تِفْتَحْ دَرْبُو قِدَّامو
وِتْبَشِّرْنا بإيَّامو
نِحْنا اللَيْلي تْجَمَّعْنا
آياتِ الرَُوحْ سْمِعْنا
هَالآياتْ خَلِّيها مَعْنا

مَوْلِد يوحَنا
وَعْدِ الباري تَمّْ
والأخْرَسْ غَنَّى
وسَبْعينِيِّه صارِتْ إِمّْ
وْعَنْ هَالعَيْلِهْ زالْ الهَمّْ
والجَارَهْ حِكْيِتْ لِلْجَارْ
مَلُّو هَاكْ الحَيْ خْبارْ
طِفْلْ زْغيرْ خِتْيارَهْ وْخِتْيارْ

إِسْمُو عَا لَوْحَهْ
لَوْحِةْ عَهْدْ جْدِيدْ
دَوَّنْها فَرْحِةْ
بَيُّو الشَّيْخْ بْرَجْفِة إِيدْ
دَوّنْها سِفْرْ مْواعيدْ
مِنْ هَاللَوْحَه السِّرِيِّهْ
زَوْبَعْ صَوْتْ الحِرِيِّهْ
صَوْتْ الرُّوحْ مَلْوَى البَرِيِّهْ

يا مار يُوحَنا
يا صَوْتْ الْهادي
بْروحَكْ رَوْحِنَّا
سَلِّمْنا دَرْبْ الْفادي
وْعَلِّمْنا الْحَقْ شْهادِهْ
تَ نِشْهَدْ مِتْلَكْ وْنْصِيحْ
وْصَوْتْ الرُّوحْ يْعَبِّي الرِّيحْ
وْكِلْ الكَوْنْ يِشْهَدْ لِلمَسيحْ