Songtexte حلّا هالديني حلّا - Lebanese Maronite Order

حَلاَّ هَالدِّنْيِي حَلاَّ
حَلاَّ تِخْلَصْ مِشْوَارَا
توصَلْ وِتْلاقِي أَلله
طِفْلِ زْغَيَّرْ بِمْغارَه
يا هَالوَعْدِ لْمِّنْ أَلله
مِن جيلْ لْجيلْ
زَهَّرْ بِالإنْجيلْ

الْعَالَم ناطِرْ مِنْ أَجْيالْ
ناطِرْ، مَوعود بْأَللهَ
يَللَا يا هَالوَعْدِ نْزَال
وغَيِّرْ هَالدِّني كِلاَّ
يا هَالوَعْدِ لْمِّنْ أَلله
مِن جيلْ لْجيلْ
زَهَّرْ بِالإنْجيلْ

مِنْ أَحْلَى صَبايا النَّاسْ
بْنُورِ التَّقْوَى مُضْوِيِّه
أَلله لابِسْ جِسْمِ النَّاسْ
نِيَّالْ الإنْسانِيِّه
يا هَالوَعْدِ لْمِّنْ أَلله
مِن جيلْ لْجيلْ
زَهَّرْ بِالإنْجيلْ

كِرْمالْ عْيونِ الأَطْفالْ
وْكِرْمالْ لْعَمْ بيصَلُّوا
يا طِفْلِ الأَطْفالِ نْزالْ
وْضَوِّي عَ العَالَمْ كِلُّو
يا هَالوَعْدِ لْمِّنْ أَلله
مِن جيلْ لْجيلْ
زَهَّرْ بِالإنْجيلْ