Songtexte Sonduru Dasun - Rohana Weerasinghe , Nanda Malini

සොඳුරු දසුන් ඇස තවරා ඇස සනසා ගනිල්ලා
මියුරු බොජුන් දිව රඳවා දිව පිනවා ගනිල්ලා
උදේ හවා දෝත නඟා එතෙරට වැද පුදල්ලා
කන්ට දෙතොත් බොන්ට දෙතොත් රට උගසට දියල්ලා

වාසි පිලට හුරේ දමා පිළෙන් පිළට යමල්ලා
බීපු ලිදේ දිය බොර කර මූදට ආ වඩල්ලා
දණින් වැටී නළල ඔබා නිළතල අරගනිල්ලා
කල දුටු කල වළ ඉහගෙන මඩි තරකර ගනිල්ලා

දෙස බස රැස සුරකින ගරු වියතුනි මෙහෙ වරෙල්ලා
කව් සිළුමිණ අමාවතුර කසල ගොඩට දමල්ලා
සුකරි බටිල්ලන් එක්කලා බයිලා පොලට ඇවිල්ලා
රවිකිඤ්ඤා තාල අනුව කපිරිඤ්ඤා ගයල්ලා