Songtexte Refur - Svavar Knútur

Nú færir rökkrið frið og ró
Og feimin lúrir sól í sjó
Í hálsakoti er hósíló
Þar leggur lítið refaskinn
Leið sína brátt í draumheiminn

Nú kveður sólin kjarr og lyng
Og kyssir lítinn ljósvíking
Heldur svo áfram næsta hring
Þá eftir liggur anginn minn
Og arkar senn í draumheiminn

Þar syndum við
Milli skýja, hlið við hlið
Hver hjartsláttur er
Himnadýrð, leikandi með þér

Nú sólin sleikir morgunsár
Með sælubrosi knýr á brár
Og stráin þerra daggartár
Þá rumskar litli Refurinn
Og rekur aftur draumheiminn

Þar syndum við
Milli skýja, hlið við hlið
Hver hjartsláttur er
Himnadýrð, leikandi með þér