Lyrics Yeb'a Enna - Adonis

يبقى عنّا، يبقى عنّا الجرأة نسمّي الاشيا باسما، وعنّا
يبقى عنّا حرقة تخلّي قلوبنا تولع كل ما
شفنا ظلم ومن كتر ما شفنا ظلم كبرنا

يبقى عنّا، يبقى عنّا القدرة نخلّي العالم تحكي عنّا
تغنّي الأشعار لكانت وقتا تطلع منّا
والنّاس مطروبة وما حدا بيعرف مين غنّا

عم دوب بميّة لون وكأنّو بوسع الكون
ما كان في غيري وغيرك يعرف لمّا
كنّا ندوب بميّة لون ولون وكأنّو كأنّو بوسع الكون
ما كان في غيرك يذكر لمّا قلنا

اذا رح موت، مش كرمال ملوك
أو كرمال حدود تقاسمتها ملوك
اذا لازم موت، بدّي موت لمّا ما يعود في شي غنّي

يبقى عنّا، يبقى عنّا القوّة نشوف بالخربة قصور، وعنّا
طرقات وسطوح بتسوا مملكة، وكأنّا
محصّنة وما بيقدر يخرق ميّة جيش حيطانا

عم دوب بمية لون وكأنو بوسع الكون
ما كان في غيري وغيرك بيعرف لما
كنا ندوب بمية لون ولون وكأنو وكأنو بوسع الكون
ما كان في غيرك يذكر لما قلنا

اذا رح موت، مش كرمال ملوك
أو كرمال حدود تقاسمتها ملوك
اذا لازم موت، بدي موت لما ما يعود في شي غني

إذا رح موت، مش كرمال زعيم
أو كرمال القاب مش معروفة لمين
إذا رح موت، مش كرمال كتاب
لتفضا القلوب وتتعبا الجياب

اذا لازم موت، بدّي موت لمّا ما يعود في شي غنّي