Lyrics Si Ti Virissi - Alfio Antico

Si ti virissi oggi
Passari vecchia matri
Caminari nna sti munti
Sula tu e china comu na nebbia

Cu lu mantu maggicu e granni
Ca cummogghi li dulura
E li granni guai ca stannu nna sta terra
Ca stannu nna sta terra

Si ti virissi oggi
Bedda chiu'ssai di na riggina
Si ti virissi oggi
Morbida comu lana di pecura

Si ti virissi oggi
Duci comu meli d'api
Limpida comu acqua
Comu acqua di rocca

Si ti virissi oggi
Ppi prima cosa ti chiamassi matri
Poi vivissi, vivissi a la tò funtana
E durmissi cu la testa 'nta la lana
Di lù tò cori