Lyrics Viru A Me Stissu - Alfio Antico

Dici u vecchiu fai bene e scordalu
Dici u ranni fai mali e pensanci
A guerra cosi buoni nun'nni porta
Surrisi finiri fa
La gioia di la creatività
Uccide ammazza e cancella ogni cosa
Comu lu focu ca distruggi li simenzi
E comu si fa ppi stutari stu focu?

Spissu l'omu si nutri di spiranzi
Assuppa assuppa megghiu di na spugna
Lu'ncugna lu scugna lu conza e sconza
Ballannu a porti chiusi a cuntradanza

Jemu avanti: Sì! Ma comu?
Si mancu tra di nui si cci saluta
Stamu arristannu comu l'armi santi
Nudi du menzu u focu e pinitenti

C'è di luntanu cu ni fa la cucca
Ca cogghi tutti cosi e si l'ammucca

Semu a seculu vili e lisciu
Paremu picureddi di camusciu
Lu picuraru ni dici: Vi pisciu
'Ntra 'na parti di corpu lu cchiù musciu
Nui picureddi ca ci jemu fisciu fisciu
Nun facemu né musciu né stramusci

Viru a me stissu e paru casu stranu
Nascìù n'Sicilia e sugnu talianu
Nun sacciu comu nun mi vota la testa