Lyrics Icarus - Anneli van Rooyen

Berge gemaak vir mis en sneeu en kranse
vir die wild se wilde danse
en vir klim

Bome gemaak vir stamme en vir blare
Vir geduld en as 'n hawe
vir 'n kind so ver daarbo

Icarus, te naby aan die son
Jy het gedink jy kon
en verloor jou trotse vlerke

Icarus, al volmaak en stom
moet ek en jy van onder af op ander vleuels
eindelik tot bo kom

Wolke gemaak vir reën en hoop en skadu
vir koelte wat niks praat nie
net om op te kyk

Sterre gemaak vir maan en vir planete
vir lig en vir komete
in die nag so ver daarbo

Icarus, te naby aan die son
Jy het gedink jy kon
en verloor jou trotse vlerke

Icarus, al volmaak en stom
moet ek en jy van onder af op ander vleuels
eindelik tot bo

Icarus, te naby aan die son
ons het gedink ons kon
en smelt ons trotse vlerke

Icarus, op die heup geslaan en krom
moet ek en jy van onder af op ander vleuels
eindelik tuis kom