Lyrics Füzuli Kantatası - Arzu Əliyeva

Məni candan usandırdı, cəfadan yar usanmazmı, usanmazmı?
Fələklər yandı ahimdən, muradım şəmi yanmazmı
Muradım şəmi yanmazmı?
Fələklər yandı ahimdən, muradım şəmi yanmaz, şəmi yanmazmı?

Qəmu bimarinə canan dəvayi-dərd edər ehsan
Neçin qılmaz mənə dərman, məni bimarı sanmazmı?

Qəmim pünhan tutardım mən, qəmim pünhan tutardım mən
Dedilər, yarə qıl rövşən, desəm, ol bivəfa
Bilməm, inanırmı, inanmazmı?
İnanırmı, inanmazmı?

Şəbi-hicran yanar canım, tökər qan çeşmi-giryanım
Oyadar xəlqi əfğanım, qara bəxtim oyanmazmı?
Oyadar xəlqi əfğanım, qara bəxtim oyanmazmı?

Güli-rüxsarına qarşı gözümdən qanlı axar, qanlı axar su
Həbibim, fəsli-güldür bu, axar sular bulanmazmı
Axar sular bulanmazmı?
Həbibim, fəsli-güldür bu, axar sular bulanmazmı, bulanmazmı?

Deyildim mən sənə mail, sən etdin əqlimi zail
Mənə tən eyləyən qafil səni görcək utanmazmı?
Füzuli rindi şeydadır, Füzuli rindi şeydadır, həmişə xəlqə rüsvadır
Sorun kim, bu nə sevdadır, bu sevdadan usanmazmı?
Bu sevdadan usanmazmı?
Sorun kim, bu nə sevdadır, nə sevdadır
Bu sevdadan usanmazmı?
Usanmazmı?