Lyrics 道端三世相 〜創作舞踊「辻山」より - Ayano Uema

三世相や買うらに 運気縁談 千客万来
商売繁昌 元祖事 夢ぬ占え 相性判断
御竃ぬ塗い替え 火ぬ神うし立てぃ
日ぬ善し悪し 時ぬ選び 万事易ぬ占ぇからやさ
三世相や買うらに

銭呉ゆる かなし御客ぬ 縁ぬ遠く なゆる時ねぇ
云うにん及ばん 御願不足 易判事 占ぇ買うてぃ
御願かきてぃうきば 天ぬ御助き 神ぬ引合し
目ぬ前に現りてぃ 銭ぬ御客や 中前に押し掛き
訳事ん聞かんどーやー 三世相や買うらに 易判事や買うらに

しったい門ぬ 左後 ちじゅやーウサ小 くぬ頃や
儲きららんどぅあるい まぶやー落ちょる 人ぬぐとぅやさ
まぶやーふぃんがち うふちちゅるーなてぃ
ぬるんとぅるん なゆる時ね
確かに変わらん 元祖事やさ
四五代先ぬ 親ふぁーふじぬ スーカー渡いぬ 供養事やさ
年ぬみぐい 時ぬぐい ちぢゅすうかみたる ちじゅやーウサ小
知らし事どぅ 頼み事どぅ
占え買うてぃ うちユタ頼でぃ
うちかみ火ぬ神 うとーしあぎてぃ
御念じ御願え 第一どうや 三世相や買うらに