Lyrics Layam - Balti

Un jour on vit un jour on meurt, un jour on rit un jour on pleure
2007, Layam, Balti
هي الي ردت منا رجال
ردت من لبنية مرة و ردتني أنا رابور
ردت ملي قرا طبيب و ردت مالقاري بطال
من الأرنب صنعت ذيب مالصغار صنعت لكبار
بدلت برشا قلوب برشا ناس
لالكوليك ولى يصلي و الي يصلي طاح للكاس
هي الي كسحت قلوب و توبت قلوب
هي الي عمرت الديار ، هي الي خربت بيوت
هي الي فرحت هي الي بكات
خلات ناس ترتاح و خلات ناس عانات
هي الي كسات العريان و عرات الي كان مستور
هي الي صنعت اليتيم هي الي صنعت المقبول
هي الي سرقت لينوسونس ، سرقت منا قلوب نظيفة و سرقت منا لونفونس
هي الي صنعت من عصافر الجنة غربان
صنعت المجرمين و رماتهم ورى القضبان
لمت لصحاب و فرقت لوخيان
العدو ولى صاحب و الاخوة ولاو عديان
خلات الي قريب بعد الي بعيد ولى قريب
الي غريب ولى ولد اللدار و ولد الدار غريب
خذات منا عص الناس
الناس الي حبيناهم حب ما عندوش قياس
خذات منا البو ، خذات منا القوم
عاليام ناس تحيا و عاليام ناس تموت
Un jour on vit un jour on meurt
Un jour on rit un jour on pleure
Un jour un nouveau né un jour un six pieds sous terre
Un jour face à l'ennemi ou on perd un être cher
Un jour en paix, un jour en guerre
Un jour au paradis, un jour à l'enfer
Un jour au gout de miel, un jour au gout amer
Un jour on est trahi un jour on trouve le sincère
جابت للوالدين صغار
جابتلهم العياق و جابتلهم البار
جابتلهم سارق و جابتلهم التقي
جابت الي هارب عالصراط و جابت المستقيم
خلات أم ضحكت و أم بكات
الي فرحانة بالذرية و لي حزنت علي ربات
جابت للوالدين ولاد جابولهم دعوة الخير
و جابتلهم بنات باتوا البرة و لبسوا القصير
صنعت وليد بن طلال
و صنعت زادا فقير الحال يبكي عالأطلال
كيف ما صنعت لي شاطو صنعت من الديار خرب
صنعت المرتاح في جاكوزي و صنعت الي تعب
صنعت في الفراحي ستار تاع فوتبول
و صنعت زادا في الفراحي --سان—تاع فيول
و صنعت من بنات العايلة دي جارس
و ردت الراجل الي كان بكلمتو رقاص
صنعت بالي بعقلو مهبول في الكياس
و صنعت مالمهبول فالشارع ضحكة بين الناس
صنعت من الأستاذ مهبول لابس كاميزول
و بدلت ---الدابز الما ب الدابز--- ألكول
هي الي بكات العين دموع
على ناس كانوا معانا أما مشاو من غير رجوع
خذات منا الصاحب و خذات منا القوم
عليام ناس تحيا و عليام ناس تموت
غلات الدولار و الأورو
و طيحت لعرب من الطوب ثين لـالزيرو
ئوف قدامك واش كانت واش ولات العراق
حرب بين خوات: شيعة ، سنة و أكراد
رخست الدم و غلات الدياموند
الحروبات في السيراليون باش يمشي كونتر بوند
صنعت مالدياموند لبسوه الناس الشيك
و باعتو فالسماء يسوى حق بلاد فـالأفريك
صنعت الإحتلال صنعت الجنود
و قوات لمريكان و قوات كلمة ليهود
خلاتهم يحكموا في العالم من المشرق لغرب
و ردت المسلم إرهابي و علنت عليه الحرب
صنعت شارون و باراك
و صنعت زادا جورج بوش و كونداليزا رايس
خذاو منا البو ، خذاو منا القوم
عليام ناس تحي و عليام ناس تموت