Lyrics Aam Ghareeb - Cairokee

يا ليل يا ليل يا ليل
يا ليل يا ليل يا ليل
يا ليل يا ليل
عم غريب
واخد الدنيا زي ما تجيب
ولا ماسك فيها ولا متبت
وتشوفه يضحك وينكت
ويقولها أمرك ده عجيب
عم غريب واخد الدنيا زي ما تجيب
ولا ماسك فيها ولا متبت
وتشوفه يضحك وينكت
ويقولها أمرك ده عجيب
يصحى يجيب العيش والجبنة والجرنال
واللي في جيبه رايح كله لست عيال
من الفجرية لنص الليل ٣٥ سنة شغال
اللقمة يدوبك بتكفي بطلوع الروح
والهدمة على قد تدفي القلب المجروح
واما تقوله إيه الأحوال يحمد ربنا، عال العال
وعم غريب واخد الدنيا زي ما تجيب
ولا ماسك فيها ولا متبت
وتشوفه يضحك وينكت
ويقولها أمرك ده عجيب
بسجارته وكوباية الشاي
قدام ماتش الأهلى الجاي
إن كسب الاحمر يا سعادته
وإن خسران هيكشر عادته
وهيرجع في ثواني يطيب، عم غريب
عم غريب ده أبويا وجدي
عم غريب ٩٠ مليون
الصبر معلم في قلوبهم
مليون خط بمليون لون
وقت الشدة تشوفهم سد
ولا خافوا أبداََ من حد
واما الدنيا تقسى عليهم
واقفين دايماً زي أسد
عم غريب واخد الدنيا زي ما تجيب
ولا ماسك فيها ولا متبت
وتشوفه يضحك وينكت
ويقولها أمرك ده عجيب