Lyrics Zug verpasst - Dabu Fantastic

Wieder mal dä Zug verpasst, stahn verlore am HB
Mit mä Gfühl irgendwo zwüschäd Rose und Zahweh
Ich hetti zu dir chöne, vogle und Raclette
Nachher Gspräch bi Cherzeliecht, ufäm Sofa in Schlaf gredt

Aber dä Zug isch wäg und dä Zauber für das
Vorher hettis passt, jetzt isch gnau ä bitz z'spat
Vornä bi dä Rollträppe staut sich die Lag
Und drum laufi us dä Halle, obwohl mir graut vor dä Stadt

Dusse staht an altä Maa, als hett er gwartet uf mich
Er seit: "Buäb, läb dis Läbe, du bisch bald scho wien ich"
Ziäht dä Huät tüüf is Gsicht und dänn lacht er es bitz
Nickt und verschwindt, zäg, fascht wien en Blitz
Blitz, blitz, blitz, blitz

Ich bin sofort all mis Gäld go abhole ufd Bank
Und mit riisägrosse Schritt loszoge durd Stadt
Han mär öppe mal ein gönnt, han mi gsoffe durd Bars
Und irgendwo im Niederdörfli hani kotzed ufd Strass

Han allne eine usgäh i jedere Beiz
Han gsoffe und glacht und jede grad kännt
Han gfrässe wien es Tier ein Kebapverschleiss
Und han gfurzt wie no nie und ufd Terasse gseicht

Bin dänn am Morge am zwei mit ärä Dose ad Wänd
Han Riiseschwänz gsprayt und no Hode aghänkt
Und dä Name vo mim Chef und s'Numero vo sim Bänz
Die Dose dänn in Chübel grüärt und no gluägt, dass es brännt

Dänn is nägschte Dancing go fiirä
Mi bim DJ go beschwäre, ich well anderi Lieder
Ich well Schlager, ich well Hits, nöd so Partykatschriär
Schliesslich segi da häre cho zum zu allem mitsinge - boy

Wär immer du bisch
Was immer du machsch
Wohäre dassd gasch
Warum du lachsch
Irgendwänn chunsch dänn scho a
Imagine life without a choice at all

Wär immer du bisch
Was immer du machsch
Wohäre dassd gasch
Warum du lachsch
Irgendwänn chunsch dänn scho a

Wo's hell worde isch, hät di letschti Bar gschlosse
Han dusse uf dä Strass ä schöni Lady atroffe
Han mi i ihrer Wohnig dur di beschti Wahr gsoffe
Und dänn mit ihre no dä letschti Schlaf g'opfräd

Woni ufgstande bin, seit si: "Halt no, wart
Ich möcht dir es Gschenk geh für dä chalti Tag
Jedem Maa, wo mit mir ufd Matratze gaht
Gib ich sonän Huet mit usäm Schlaraffäland"

Ich han en gno, en Schritt gmacht, doch s'isch zchalt zum gah
Bin drum im Gang gstande und woni als Unterhaltig mal
No schnäll in Spiegäl gluägt han, wie mir dä halt so staht
Gsehni dä Huet und die Falte und dä alti Maa

Wär immer du bisch
Was immer du machsch
Wohäre dassd gasch
Warum du lachsch
Irgendwänn chunsch dänn scho a
Imagine life without a choice at all

Wär immer du bisch
Was immer du machsch
Wohäre dassd gasch
Warum du lachsch
Irgendwänn chunsch dänn scho a

Wär immer du bisch
Was immer du machsch
Wohäre dassd gasch
Warum du lachsch
Irgendwänn chunsch dänn scho a

Wär immer du bisch
Was immer du machsch
Wohäre dassd gasch
Warum du lachsch
Irgendwänn chunsch dänn scho a
Imagine life without a choice at all