Lyrics سيفيل في بلاد العسكر - Diaz

ما هيب هوب ما راسطا نحب موسيقى وباسطا
اندير معاها 1-2 والدولة الطيح فيها الواسطا
شحال مليار تماسكا من لوقت لحسب بالباسكال
ا ستارهاشتاغ سيفيل في بلاد العسكر

وعلاش كاش ما بقا صبر؟ صبرنا و عضينا البيلا
كيفاش مادورش على خوك كي شبعك تبهديلا
ياو طاح لقدر كي واحد ماقدر يشد قدروا
إلا ماقدرناش نشدو لقدر يمالا قلي واش نقدروا
غير لي ينفخ صدروا معمر غير بالنفس ايه
ولي حابين يجاهدوا غير يبداو بالنفس
الزمانصعاب خو صعيب تيفيتي النش
غير تهلا في روحك حددها كي تتكمش

لي داه الزمــان مـا يـــردوا، وش جـاب لـيــوم مــا يــرضـي
لـي فـقــد الـشيـئ مـا يمـدوا وجـه وحـدو ما يقضـي
انـا الشعبـي مـاراني قـدو و الراب ما ولا قـدي
شـوف لـمصـاغـر تـشبـعـك فـلو، انـا معايـا تشبـع قـديـد

لي بيع المدغول ويقولك روح هاني
ملقوة نامنوا بالغول حكم فينا روحاني
اه واحد ما مسؤول غير التشوكير عيناني
غير تحل فمك هاك كول رجعونا ڨاع جيانين
(غير تحل فمك هاك كول رجعونا ڨاع جيانين)
المهبول لي قدر يقول هاذ لمهابل بلي هبلوا
انا نامن غير بالمعقول باب لي يجي يكمل لي قبلوا
الشدة فالله شد فحبلوا خليهم يطبلوا
ياك لي قبلوا يشطحوا ماحبوش يرموا لمحارم
لي داه الزمــان مـا يـــردوا، وش جـاب لـيــوم مــا يــرضـي
لـي فـقــد الـشيـئ مـا يمـدوا وجـه وحـدو ما يقضـي
انـا الشعبـي مـاراني قـدو و الراب ما ولا قـدي
شـوف لـمصـاغـر تـشبـعـك فـلو، انـا معايـا تشبـع قـديـد