Lyrics Bo'larkan - Doston Ergashev

Jayronni yo′lini kutmasdan
Janonni qo'lidan tutmasdan
Vayrona dillarni titmasdan
Onamni o′ylasam bo'larkan
Ko'rmasdan yodimda mardini
Ko′p qildim dildagi gardini
Ey har kimga so′zlamay dardimni
Otamga so'zlasam bo′larkan
Janon deb teng bo'ldim qul bilan
Sevgisini o′lchadi pul bilan
Men nodon bir dasta gul bilan
Opamni siylasam bo'larkan
Cho′ntakda to'la hamyon qolib
O'tkinchi davru davron qolib
To′rttagina issiq non olib
Singlimni yo′qlasam bo'larkan
Gohida pand yedim do′stdan ham
Ba'zida chindan ham rostdan ham
Beminnat g′amxo'rim chindan ham
Akamni maqtasam bo′larkan
Varoqlab dil degan daftarin
Meni siqilsam u ko'ngli yarim
Ochmi to'qmi deb jigarim
Ukamni o′ylasam bo′larkan
Umrimni sovurdim shamolga
O'tkinchi betayin hayolga
O′zimni tutdim savolga
Iymonni asrasam bo'larkan
Yurmasdan zamondan ko′p nolib
Qur'onni dilimga yod olib
Qolmasdan bir kuni dod solib
Islomni anglasam bo′larkan
Yurmasdan zamondan ko'p nolib
Qur'onni dilimga yod olib
Qolmasdan bir kuni dod solib
Islomni anglasam bo′larkan