Lyrics 3alam Rabe3 - El Joker

ضهرك لحق مش من مصلحتك تنصفه
سبب جمال الغنوة قبح اللي بتوصفه
ساعات اللي أنت شايفه يبقى اللي أنت شايفه
اغلب الأوقات شجاعتك جت مـ الخوف اللي أنت خايفه

من دوشة تل الغلطات مش سامع مـ السما اصوات
بالغل وبالخوف متحاط مش عارف تاخد خطوات
كله غرز بوزه في التراب في أول نطة
هما حاولوا تاني، وأنت اختارت حاجز اوطى

قتلوا مننا كتير بحجة شىء أهم
خلوا الهوا اللي بيني وبينك ريحته دم
ماداقوش ازاي الوجع شىء ملموس وطعمه في بقك
ظنوك بتقول مجازاً أن الظلم كسر شوكتك

مش أرق اللي مسهرك للميعاد ده
كل اللي عدا مستنيك على المخدة
واللي فاكره حب قالوا عنه غدة
معظم النجوم اللي بتحكيلها مات من مدة

قتلت جزء فيك عشان يعيش اغلبك
معظم الحقيقة على ورقة في سلة مكتبك
لو رموا الشبك والتيار بدا يسحبك
وأنت عومت عكس الاتجاه للحظة دا مكسبك

قتلت جزء فيك عشان يعيش اغلبك
معظم الحقيقة على ورقة في سلة مكتبك
لو رموا الشبك والتيار بدا يسحبك
وأنت عومت عكس الاتجاه للحظة دا مكسبك

فرض السكوت، يموت شخص بالبطيء
قص كلام من السياق، يضل ناس عن الطريق
بعض الوجع داين تدان وبعضه حظك كدا
في ناس بتعبد الحياة والباقي كبش فدا

وبصراحة مفيش مؤشرات أن الزمن هيدور
الضلمة اللي في عالمنا قادرة تبلع أي نور
وضع معادش مبلوع، خلافنا في أصل وفروع
ملكنا لا سيف ولا دروع، ملكتوا الطلق والجوع (الجوع)

سعرك سعر ترس في عجلة الإنتاج
وبصراحة يعني من أسباب إيمانك الاحتياج
لبسوا الرجلين فردة، عبدوا الحس والمادة
نزعوا المعني مـ الوردة، ينفوا المطرة لو تندة فوقهم

شوهونا أصبح زوقنا زوقهم
اتعاطفنا لما اتعاطفوا وقولنا قوم لوط بشوقهم
قصاد الريح تفضل جدور وجدور تتقلع
أول مرة امسك كبريت العلم الازرق ولع

قتلت جزء فيك عشان يعيش اغلبك
معظم الحقيقة على ورقة في سلة مكتبك
لو رموا الشبك والتيار بدا يسحبك
وأنت عومت عكس الاتجاه للحظة دة مكسبك

قتلت جزء فيك عشان يعيش اغلبك
معظم الحقيقة على ورقة في سلة مكتبك
لو رموا الشبك والتيار بدا يسحبك
وأنت عومت عكس الاتجاه للحظة دا مكسبك