Lyrics Düşdüm - Elvin Nasir

Sol əlim köz götürüb çəkdi mənim gözlərimə
Bilmirəm hansı nağıldır nəyin əfsanəsidir?
Elə yandım ki, yananlar yalan olmuş yanımda
Bəlkə də haqq işidir, yaradılışın qayəsidir?!

Gözümün yaşları buz tutub qalıb qənşərimdə
İçində ölüm yazılmış neçə fərmanlara düşdüm
Mənə bir palçıq atdılar içində iynələrlə
Hər biri batdı kürəkdən şərə böhtanlara düşdüm

Atdığım addımların izlərində şeirlərim var
Hər biri səhvlərimin doğrusudur ruha dərsdir
Sizinçün adi olan hissləri mən saxlamışam
Üstünü bağlamışam satmıram ki müqəddəsdir

Bu nə cür bir səsdir bu nə titrək bir avaz
Sanki bülbül xəbər verir ki gülüstanlara düşdüm
Baxdım pencərədən bülbülü şeyda nə gəzir?
Yıxılıb son nəfəsdə deyir ki, hicranlara düşdüm

Əlimdə parça çörək su axtaran dilənçiyəm
Birində dost gəzirəm, birində eşq gəzirəm
Məni kim mənnən aldı, doğru yerdə saxlamadı
Çıxarılmayan fitrəyəm, verilməmiş nəzirəm

İnanın çox bezirəm bu dünyanın dövrəsindən
Hər dəfə dövr edəndə bilinməz ünvanlara düşdüm
Dedilər nizam intizam yaradır əzab əziyyət
Həyatım dağıldıqca səliqə səhmanlara düşdüm
Qəribə məntiqi var bu dünyanın anlamıram

Əslində sevinc gizlədir əzablı tənhalıqda
Əgər ki bir məzarda ikinci bir yer yoxsa
Demək ki, zati əzəldən hamımız tənhayıq da

Ruhuma xəstəlik salan neçə loğmanlara düşdüm
Nə qədər bilmədiyim davalarda qanlara düşdüm
Gözlərim zirvədir ki düşən insan sağ qalmır
Insanlıq insannan düşdü mən insanlara düşdüm