Lyrics ادوارد سعيد (مع السينابتيك) - Emsallam

لا تقلي انك منتمي للارض
لاني زيي زيك لما شفنا شفنا زفته
انا منتمي للزفتة للارصفة المتفجرة والمي الي بالشوارع
والحال بطّل زي بعضه وبعض بل كثر هم من يرون الحر فاجر
وكثر من لا يرون شيئا وهويتي شيء من الاشياء

كرت المؤن ابوي مخبيه عشان يثبت لجوءه
ببحر التاريخ بجذف عكس الامة ولازم اشوفه
لمجدي يما، صبرك علي يا يابا
الشط الاقي اسجل قطعة ارضي باسمي
و اظل عمّاني من أصول فلسطينية فحاول كمان مرة إنكرني هون
وك عتمة دربك فش زيت ومشكات هون ليضوي اه عليه
قديش بدنا لنبطل نفخر و نعرف انه مش مهم إختراعنا للصفر
وإحنا زيّه. انا لاء يا بابا
إدوارد سعيد متعدد الهوية و صبابة
بتخرف بسولف بتكلم
I speak
بنسى ماضيّي بلحظة برجع بتشبث فيه
بديش تكون انت وأخوك على إبن العم و انت وإبن العم عالغريب
بدي تكون دايما مع الحق ولو عراس اخوي انا بإيدي حمشيه حمشيه اه
لسه بمكاني، صابر يا اخوي، نايم يا اخوي، صامد يا ابوي
لساتني اناني، راجع ازور، بسمع فيروز، أعطيني ناي وغني وغني وغني

"لا غد بالامس فلنتقدم إذا، قد يكون التقدم جسر الرجوع الى البربرية"

لو قلبي رف ححط عليه كتب مش حلحقه
مش حل ماهو الهوى شدني بقوة المرة هاي حكو لن يؤمن الي لحق هواه
وانا هواي وراي بكل مكان مش قادر اشوف سماء بدون زراق بدون blues

"انا من هناك، انا من هنا، ولست هناك ولست هنا"

لا تقلي انك منتمي للارض
لاني زيي زيك لما شفنا شفنا زفته
انا منتمي للزفتة للارصفة المتفجرة والمي الي بالشوارع
والحال بطّل زي بعضه وبعض بل كثر هم من يرون الحر فاجر
وكثر من لا يرون شيءً وهويتي شيء من الاشياء

انا مش منتمي لشيء، يا دوب لحالي طايق
بكره هاي الارض بكره صورتي في المراية
شوي مكرز عأمل بس، لأخد كمان خطوة،نحو هوية نحو قضية
بدل مضلني هيك مشتت بدل ما يضلو الهرب هواية
شارد والعرب ورايّه
ويما يما يما الخوف، بكرة جاي بعد الليل
التاريخ مكتوب بالدم، عظهور الدبابات والخيل
وطن يباع ويشترى ونصيح فليحيا الوطن
يحيا العلم على العلن شايف صنم سامعع صمم، هيه
مظفر قالها قمم قمم هيه
وسيبنا من الكلتشر، وهاتلك بيتشر بيرة ومزة
كل كروتنا محروقة قد ما لعبو فينا شدة
مآمن انو قضايا الشخص اصدق من عنوان جريدة
والتعب الفردي هو الي بودي، والاحزاب هون غير مفيدة