Lyrics مسرح - Emsallam

إشي غريب اني احس اني بعلم بالغيب
اني اعرف ان انت بعيد مش قريب غريب

اني انسى انسان ومحسش فيه
وأضلني من جوة ادور عليه
و أطلع عمرايه والاقيني فيه
ومش عيب اني ابكي على طول الغياب
واستنى يسألني الاغراب
ليش ما في حدا من الاصحاب
بهديك

إسمع سيبك قاعد انا هونا عم بغني
بلكي تيجي الناس بيوم تفهمني
تعرف انه صوتي عن جد بخزي وتضل تسمعني
إسمع سيبك من المسرح اللي انا عايش فيه
كنت مستمع هسة بكتب وبحكيه
ما في فرق بيني وبين اي مؤدي

لو حسيت ان الصوت الي بيمشي بهالبيت
راح يرجعلي ويقلي تعال ننسى الحيط حسيت
اني بعيد عن البلاد وعن الجداد
بعيد وبتفاخر بماضي وامجاد
انعادت قدامي وإنذكرت كثير

إسمع سيبك قاعد انا هونا عم بغني
بلكي تيجي الناس بيوم تفهمني
تعرف انه صوتي عن جد بخزي وتضل تسمعني
إسمع سيبك من المسرح اللي انا عايش فيه
كنت مستمع هسة بكتب وبحكيه
ما في فرق بيني وبين اي مؤدي

لو ناوي تصحى ونفسك تعرف شو البصير
خد تذكرة وسجل انك زلمه كبير
فوت وإحضر عرضنا وانشر عرضنا بين الناس
عرضنا مسرحي تتخيل انه فش في إحساس
كوني مخلوق بمسرح ودوري اني فقط البس بعض الناس جواعد وابدا فيهم اسرح
وأعزف لحن حزين على نايي القديم وأغفا تحت شجر عديم الروح وأبدا اسرح
بكوني مش مخلوق لهالدور الممل اشي بعل
اني اصحى من نومي الاقي تيس بقرونه بينطح
حمل وديع راضي وحزين الموت بعينه اريح
من انه يضل حاسس بذل الكبير مع انه العمل انحل
والناس راحت عبيوتها تنام بعد ما المخرج انزل
الستار وقليل من اللي حضروا العمل تأثر
بكونه بحكي عن حياة رجل بسيط مش اكثر
لو انه بحكي عن مشعوذين كان هسة الكل بفكر
لانهم بخافوا من الوهم وقد أُعذر من أنذر
ما الميه لما تقل بكون جزء منها تبخر
تحصيل حاصل مدام فاعل الك الضو الاخضر
قلمي هو لعنتي لما ابدأ اكتب ما بفكر
والبيطلع من عقلي عورقي ما بقدر أغير
إيدي عامل مساعد واللغه فقط كمعبر
بهرب منه لما أزهق من مسرح كل يوم بيتدهور
فبلاقي حالي متفرج عمنصة أكبر

إسمع سيبك قاعد انا هونا عم بغني
بلكي تيجي الناس بيوم تفهمني
تعرف انه صوتي عن جد بخزي وتضل تسمعني
إسمع سيبك من المسرح اللي انا عايش فيه
كنت مستمع هسة بكتب وبحكيه
ما في فرق بيني وبين اي مؤدي