Lyrics Entscheidungsrecht - Freezy Trap

Ois Kind host a Entscheidungsrecht
Doch Ötan mochn des, wos ma vermeidn mecht
Dass ma se hondln losst
Und des is ned ongebrocht
Wos passiert mit deim Entscheidungsrecht
Jeder Zug vo dir is onscheinend schlecht
Wonn du söwa hondeln wüst
Muast du durchgreifn, du valongst ned zvü

Es geht voron in unserm Lebn, und noch so vün Gespräch'n
Homma so vü erreicht, san a dem Tod scho begegnet
Und noch komischen Wegn foigt a immer der Lichtblick
Der di aufotmen losst, fian Körper is des wichtig
Und donn geht's wieder owe, immer weida owe
Ma muas vuasichtig geh auf der steiln Stroßn
Sta um Sta um Sta um Sta
Warad a dazahn ned schwa
Was ma trotzdem ned, wie ma duan soi
Wö ma wü ned durchfoihn, Bauchweh, Durchfoih
Leid redn auf mi ei, wiari zum Hondln hob
Nehman Weata auf, vadrahns und vawondlns donn
In a komplett ondre Gschicht, um des goa ned geht
Wö ma in am positiven Zeitpunkt nur Oabeit siacht
Ma muas duan wos se sogn, wös sonst schauns de ned au
Obwoihs ka Entscheidungsrecht hom, traurige Soch

Ois Kind host a Entscheidungsrecht
Doch Ötan mochn des, wos ma vermeidn mecht
Dass ma se hondln losst
Und des is ned ongebrocht
Wos passiert mit deim Entscheidungsrecht
Jeder Zug vo dir is onscheinend schlecht
Wonn du söwa hondeln wüst
Muast du durchgreifn, du valongst ned zvü

Hob vü glernt in letzter Zeit und in meim Oita
Bin i a soweit, dass i ma wos gfoihn loss
Owa ned, wonns drum geht, dass ma nimma mitaonda red
Womma a Soch ondas mocht, de fia an besser stimmt
Ma konn ma gern song, dass ma nomoi üwalegn soi
Drübaredn soi, donn sein Weg geh soi
Doch wos auhean lossn, vo ana außenstehend'n Person
Geht ma zweit, do glaub i on mein Ego, des is so
Wonn ma auf dGoschn fliang, fliang ma auf dGoschn
Lernprozess, wieda aufsteh, es hod se irrsinnig gwoschn
Stengan grodaus vorm Zü, und grod unser Wün
Mocht uns stoak, doch wonn mit uns wer vorwürfig spüt
Bleima jetzt a stur, dass ma auf unser Herz hean kennan
Leid san deppad, ma konn se a moi erzbees nenna
In der Regel bestätigt si der Foi, dass, womma foiht
Ma wieda bissl zu sich kummt, und se ondas vahoit

Ois Kind host a Entscheidungsrecht
Doch Ötan mochn des, wos ma vermeidn mecht
Dass ma se hondln losst
Und des is ned ongebrocht
Wos passiert mit deim Entscheidungsrecht
Jeder Zug vo dir is onscheinend schlecht
Wonn du söwa hondeln wüst
Muast du durchgreifn, du valongst ned zvü