Lyrics Perfekt - Freezy Trap

Mei Traum seit dem i 13 bin: I wü Rapper sei
Mit der Söbständigkeit, rennts, na jo, kunntat bessa sei
Einnohmen san do, Ausgobn owa a
De Autofoahrarei is des Problem, des owa zaht
Egal, in Österreich muast drau blaum, bisd wos reißt
Einesteckn, Geduid hom, oda bisd drauf scheißt
I ziags durch, schreib de Parts, und moch Auftritte, ständig
Bin der anzige Dude, der woas duat, i bin lebendig
A wonn i Oasch Leid kenna glernt hob und a wonn wer sogt
Dass mei Qualität bessa sei kunnt, druckt mei Gwehr scho ob
Hob a Privat Leben und Zohlungen zu mochn
Konn ma kane 1000er fias Mischen leisten, Goschn
Gib fia a Video kan 1000er aus, wö is Göd brauch
So schauts aus, do moch is liawa z'Haus
Erst wonn i merk, de Koihn rinnt und de Fans san do
De regelmäßig kafn, jo donn rennt des scho
Mei Qualität passt so, des bestätigt ma jeder
Außer Leid de se ned auskennan, deppade Hater

Qualität, sitzt, Quantität, sitzt
Flowmäßig, top, Tontechnik, top
Jedes Video, sitzt, wö die Liada san Hits
Reimschema, Gott, Live so a Gott
Präsenz, vorhondn, Konkurrenz entstondn
Skillz, genial, Witz, genial
Hook, a Bombn, Look, a Bombn
Fans, ja, Reichweite, ja

On Vaonstoita, lossts mi spün, DJ's, legt's mi auf
Üba 15 Joah Erfohrung, beeindruckender Lebenslauf
1 Woidviatla 3 Leid, sogt ma im Voiksmund
Des passt zu mir, wö i afoch ois dua
I hea Rapper redn meine Videos san schlecht
Liada zkompliziert fiad Masse, find i wieda ned gerecht
I gib ma Mühe für de Leid, i gib ma Mühe fia mi
Klicks bleibn unten, doch betrügn duari mi nie
Und jo, in Oaweit muas ma einesteckn
Doch a mit Glick, dass ma di entdeckt, muass ma rechna
Wonn ka DJ di spüt, di ka Vaonstoita wü
Wö Rap in Bauerndeafa, wie a Kronkheit oft güt
A wonns guad bist, bringt da des heizutoge nix
Doch erreicht hostas bei Menschen erst mit 30 000 Klicks
Dass ma präsent ist, Aufritte hod und Werbeliada mocht
Foiht kan auf, wö des is a ehrnomtliche Soch
Doch auffoihn duari, wegen Baggy Pants und Kappal
Moch auf seriös, doch diss Hater, Fans und Wappla
Mein Nóm kennt ma, a ohne Features vo Leid
De greßa san, i moch weida, a wonn i niemois wos reiß

Qualität, sitzt, Quantität, sitzt
Flowmäßig, top, Tontechnik, top
Jedes Video, sitzt, wö die Liada san Hits
Reimschema, Gott, Live so a Gott
Präsenz, vorhondn, Konkurrenz entstondn
Skillz, genial, Witz, genial
Hook, a Bombn, Look, a Bombn
Fans, ja, Reichweite, ja

Fia Zusommenoaweit sei und wos zoihn dafia
Wonn 2 Rapper wos mochn, wo ana hoibguad is
Fias Mischen mit Cent Beträge aufaunga
Zum Glick, i bin eam endlich augaunga
Doch noch Featuresongs werd i vüle weidahin frogn
Wös a Gaude is, mi zu vereinen in nem Song
I hob scho Leid gfrogt, de mi obblitzen hom loss'n
Oda goa nix zruck gschriem hom, doch i steh zu diese Sochn
Musik geht zwoa longsom voró, owa schaut's mi au
Sonst wad i ned söbständig, komma song
Danke on de Leid, de mi feien und supportn
Auf neiche Songs miasts es bei mir leida niemois woatn
Dafia, kennts gsponnt sei, wöche Richtung i moch
Privat, Werbung, Kunden: A wichtige Soch
Wonns amoi Probleme gab bei Rechnungen wengam Datenschutz
Dem staatlich auferlegten Scheiß, der a nix nutzt
Konn i eich ned höfn, buchhoiterisch muass is 7 Joah
Aufhem, des widerspricht si, is mir a kloa
Donn möds eich beim Finanzamt und beschwert's eich
Mir is wurst, hob gnua zum Duan in dera Zeit

Qualität, sitzt, Quantität, sitzt
Flowmäßig, top, Tontechnik, top
Jedes Video, sitzt, wö die Liada san Hits
Reimschema, Gott, Live so a Gott
Präsenz, vorhondn, Konkurrenz entstondn
Skillz, genial, Witz, genial
Hook, a Bombn, Look, a Bombn
Fans, ja, Reichweite, ja