Lyrics Annascuso - Gnut

Sta passione è nu sciore annascuso
′Na cannela ch'abbrucia stutata
Diavulillo tremendo e smaniuso
′Na trentina 'e denari arrubbate
Tutt'e notti m′è doce o′ peccato
Chisti vase scippate e brigante
Si' nu bbene ch′abboffa 'e mazzate
Si′ na freva a ducientequaranta

M'addulora sape′ ca' si' ′e n′ato
Ca' dimane nun tene dimane
Ca′ stu ffuoco è n'ammore maje nato
Ca′ sti core se lavano 'e mmane
E capisco ch′a mela è bacata
Ca' nun tiene carrozze o castielli
Ma si' ′o suonne ca′ faccio scetato
Tu si' o′ trucco, o' cuniglio e o′ cappiello

Sta passione è nu sciore cresciuto
Senz'ammore senz′acqua né luce
è 'na guerra ch'avimme perduto
Mano ′ngopp a ′na fronte ch'abbrucia

M′addulora sape' ca′ si' ′e n'ato
Ca' dimane nun tene dimane
Ca′ stu ffuoco è n′ammore malato
E sti core se lavano 'e mmane
E m′accorgo ca' ′o tiempo è cagnato
Steva 'o sole ma mo′ sta chiuvenne
Tu si' 'o suonne ca′ faccio scetato
Tu si′ 'a vita ca′ sonno durmenne