Lyrics Ncrê Ser - Helio Batalha

Nkre ser kel raiu de luz ki ta desponta madrugada, kel pasu, pasu firme di vitoria na bu scada
Nkre ser mas ki rima, mas ki flou mas ki nota mas ki bu amor, ki melodia mas ki viola
Nkre ser mas ki mi, talves parcem assi
Um dia nta consigui, ser um Luther King

Nkre ser esensia, mas ki aula di bu skola
Nkre ser eternu na tempu dja txiga hora
Entre neblinas de skinas, entre txeu vidas
Na meio xasinas na mei de guerras, brigas, mi nkre ser paz

Entre fadigas na meiu de linhas de cocaínas, ko duvida, nkre ser mas ki herói pan libertas
Nkre ser mas puru, toma banhu na água benta
Nkre ser futuru, voz pa dura moda lenda
Ncre ser pantera, trilha caminhus, Mandela, vielas, scadas, celas, nkre ser kel portom di bu favela

Nkre ser bombas lomotov na ses parlamentu
Nkre ser povu emancipadu longi sofrimentu
Ser kel justisa, kel premisa ki ta guia tudu humanu
Nkre ser mas lindu di bus sentimentu

Felisidadi na rostu tudu kriansa (nkre ser)
Fomi pa kaba, gosi e hora de bonansa (nkre ser)
Ser kel mendigu ki ka mesti di materia (nkre ser)
Ser kel mas riku di virtud i li na terra (nkre ser)

Nkre ser silensiu ki ta habita polu norti, ta invadi mentis sábios i ta tornas de kes mas forti
Nkre ser mas loku na verdadi
Si kes mas dodu é kes mas sábio, ntom nkre ba mora na trindadi
Nkre ser legitimu pan screbi nha propi storia

Inabalável mo fronteras de Etiópia
Nkre ser xintidu zona ponta ti Mongólia
Entri surizu, xinti laguas di nhas tropas
Nkre ser premisas ideologias de Cabral

Nkre ser kel flor di revolution na kel novu amanhecer
Nkre ser speransa, impulsu puru natural
Definitivamenti irmons apenas mi nkre ser
Apenas mi nkre ser

Apenas mi nkre ser
Apenas mi nkre ser

Ncre ser kel txuba fresku, na teras sekus di Kabo Verdi
Pan alimenta kes ki te fomi i mata sedi
Nkre ser realeza, nha tezoru e nha humildadi
Nkre ser kel txabi, poi na grade tudu boka fedi

Nkre ser soldadu, kontingensia Sankara
Nkre ser klemensia na ruas di Bagdad
Nkre ser pasensia na kurasom di bu mama i o ki pom ca ten i bo cu fomi laguas ta baza
Nkre ser konsensia na situasons di sofrimentu, ser mas amigu sta na bu ladu mas ki toki de bentu

Nkre ser kel livru karregadu konhesimentu
Pan inxinabu kuzas simplis xinti moda sentimentu
Nkre ser sol forti na bus tardis di invernu
Pan akeseu ku nha kalor, pou xinti nha sabor fraternu

Nkre ser mas ser, pamo ninguen e ka perfeitu
Moda Gandhi, nkre ser grande de nha jeitu
Sen interesi, nkre ser simenti pa germina
I spadja polén de amor pa purifika tudu skina

Sem kel konversa, relason ka podi dura
Nkre ser palavras de afeto, na nos noti di aventura
Nkre ser fortuna milionariu di amizadi
Sem iludi ku quantidadi, pamo nkre ser kel qualidadi

Si bu kaminhu ka sa trankuilo, nkre ser seguransa
Pan dou nha mo, o ku sa tristi sen perseveransa
Nkre ser montanha karega plantas na nha kosta
Mo guardion de natureza, guarda rios e floresta

Nkre ser festa, ma tudu ku moderason
Pamo nos sexta dja poi munti jovem na kaxon
Nkre ser kel povu na kalor de manifestason
Kontra injustisa kometidus na nomi de sifron

Nkre ser kel fogu la na pe di Bábilon
Si morte ke soluson, ntom djam komesa nha meditason
Dezabafa, ko tem medo de nha opinion
Nkre ser moderason nes mundo xeiu divergensia, confuson

Mi ke Batalha, nkre sta na frenti rebelion
Ku nha garganta, labanta jovens ser mas um voz de nos nason
Ntom dan nha lansa
Po nkre ser mas ki sidadon, nkre ser exemplo de amor dedicason e emancipason abrasa

Nkre ser mas ki revoluson, na prasa irmon
Trilha kaminhus de bu corason