Lyrics No Se Poe Petenai - Herman Medrano

Yamman, herman medrano-pitto selecta faya massive, riviera del brenta – conejian – no ogm - ocio al ritorneo

Rit.
Mi no diserbo a tera del me campo
Mi no sotero e sementi dea monsanto
Mi go rispeto dei so cicli naturai
Mi so che i gropi no se poe petenai

El primo de xenaro semeno el radicio
Ghe buto sora foie, leame e tericio
Lavori de suòri, brassi e sforsi
No ghe el consorsio che me neta i fossi
Febraro cavo i pampani brusco via e vegne
Verderame ai fruti pa evitare e tegne
Marso, aprie incalmo, sistemo e potature
Se parecia i orti e se semena e verdure

Xe par questo che a vango e ghe dago aria
Xe na condission diria più che necessaria
Xe par questo che no conto mai so a fortuna
Also i oci e conto i cicli dea luna
El vin che ne ciama e se finisse inbotigliare
Maggio se trapianta e se continua a concimare
A tera ga i so tenpi, te ripaga senpre
Ma ancora qua i pretende i sucòi in disenbre
Uncuò peperonata, doman peperonata
Cafelate de matina e a mesodì peperonata
Qua no se buta via a roba da magnare
Al masc-io o ae gaine se lo poe becoeare

Giugno vardo e suche, angurie e meoni
A luglio i pomodori che vien basso dai bastoni
Si, adoro l'istà co i so fruti
Se no fosse pal caldo che ne assa distruti
Agosto pal formento e i profumi ch'el ne assa
Anca se a tenpesta desfa tuto quando passa
I conti dei maeani, el tenpo che infuria
I pomi quei macài ghei butarò aea luja

Gnente libri pa sto sistema de lavoro
Caeare a schina e far fadida, moro
No se poe petenarli quando che i riva
Credeghe o no, eà tera xe viva

Setenbre se vendema, vado a funghi de matina
Otobre se risemena e aria in cantina
Novenbre prime nebie rancuro cachi e nose
Xe pronto el noveo che fa divertire e tose
Disenbre pa l'ajo, segoe e scaeogne
Se travasa el vin pa evitare e rogne
Gnente bisolfiti, intruji e polvarete
El vin va fato ben e riposà in botigliete
Co e foie e l'erba se fa conpostaggio
Matura co xe fredo e xe pronto pa maggio
Qua ghe voe amore e rispeto pa eà tera
No sfrutamento e dichiarassion de guera

Come xeo, come xe el deto: se racoglie queo che se semena, no?
E quando che se semena e se racoglie semi che no se poe reimpiantare? cossa se poe fare?
No stemo fare i furbi, che serti gropi no se poe petenarli