Lyrics Les larmes de leurs pères - Imettawen n imezwura - Idir

Tuliḍ s adrar-inek
S terzeft i tudrin
S isefra-nni n at zik
I tesniḍ tiwiztin
Yezwer-ak deg uvrid
Uɛessas n tmedlin
Ṭreḍqen yeffeɣ ṣṣut
Ulac anda ur slin
Tḥuza tazemmurt
Tergagi yal tiɣilt
Di Tizi kkren-as
Warraw n teqvaylit
Kksen-d afud di lxuf
Di lvaṭel di teɣṛi
F i run imezwura
Imeṭṭawen n zzit
I d yulin ɣef aman
Tesqaṭar tnifift
Ya lḥan cnan
Af tergin yeṛɣan
S wedfel vu tseḍṣa
Asirem i walan
Avrid i ufan
S teftilt n tegrawla
Ḥkan tilufa-nsen
Llan daw usigna
Yuli-d yiṭij-nsen
F ayen i tettu ccetwa
Qemren i d yeqqimen
Ur ttagaden ara
Ṭawlen iqeṛṛa-nsen
F tlelli f uzekka
Ccna-nsen d ilelli
Wi izemren ad t-yemḥu
Llant tyemmatin
Kksent-asen akukru
Ɣas erret-d ayla-nwen
Kkset-t-id seg uṛɣu
Deg imeṭṭawen n imezwura
Amezruy ad s yecfu
D nutni i yeqqaren
Ad neṛṛeẓ wala ad neknu
Ya lḥan cnan
Af tergin yeṛɣan
S wedfel vu tseḍṣa
Asirem walan
Avrid i ufan
S teftilt n tegrawla
Deg usamar s amalu
Deg anẓul s agafa
La d iteddu waḍu
Yenneḍ-as adrar luḍa
Ad yessizdig annar
Ma ara yeɛnu lɣella
Ad yesself i ujeǧǧig
N yevrir taggara
Winna akken i yeswan
S imṭṭi n imezwura