Lyrics Sannie Van Der Spuy - Jan Blohm

Die honde blaf, so drie by drie
Dis 'n geleende jas vir 'n arm man dié
Die Stellenbosch se nonnatjies die roep na my
Maar ek moet vannaand Pretoria toe ry

Ek sal eers De Aar om ry
Dis waar Jan de Vos mos bly
Vir 'n silwer roos vir Sannie van der Spuy
Om in haar blomtuin in te kry

Sy roep na my
Maar riviere skei
Kom haal vir my
En kan ons veilig ry

Die trein na Pretoria dié los vir my
En ek moes toe Bloemfontein op ry
Met die siele op wiele
Dit spyt vir my dat ek Pretoria eers more in ry

Want sy roep na my
Maar riviere skei
Kom haal vir my
Dan kan ons veilig ry

Ag Sannie van der Spuy kom kry vir my
Daar waar treine stasies in ry
Op die sewe op en nege af
Ek beloof vir jou ek gaan trou met jou

En sy roep na my
Maar riviere skei
Kom haal vir my
Ek wil veilig ry

Die honde blaf, so drie by drie
Dis 'n geleende jas vir 'n arm man dié
Die Stellenbosch se nonnatjies die roep na my
Maar ek moet na Sannie van der Spuy toe ry

En sy roep na my
Maar riviere skei
Kom haal vir my
Ek wil veilig ry