Lyrics 1997 - Jin

歐陽靖

1997

我雖然喺美國出世啊 uh huh
但我都係仍然咁掛住香港 check it out yo
我記得以前細個聽啲大人講 九七之前一定要離開香港
我根本就唔識所以無意見 回歸十年後都好似無乜變
香港仍然係咁好 我返親去個感受都真係好似解釋唔到
一落機 就痴痴呆呆 好似時光倒流 回到未來
我已經變返小朋友 放暑假探緊我外婆拖住佢個手
多數喺公園吸緊新鮮空氣
如果乖 仲有得去歡樂天地
或者去商場買吓玩具 行街市我不嬲都唔想去
唔使買餸都要兜翻兩個圈
啲師奶見到就話 啊 你個孫啊
無錯 個孫就係我 眨吓眼我都已經咁大個
香港就仍然咁大 除咗新機場 連迪士尼都起埋
唔知我老豆細個移民去美國 想當年
有啲乜嘢感覺 點都係中國人 就當係度假
離開個國家都飛唔出個手指罅
唐人戲 唐人報紙 唐人街
唐人需要嘅全部都有齊晒
2006最新嘅報告 老實講我真係發夢都估唔到
我有呢個機會同大家分享 我啲經歷 我間中都睇翻啲相
我第一次返香港做Show 刺激過坐過山車唔理佢幾高
我已經算係執到金 我淨係想你知 我 Rap親都係用個心
除咗咁 I don't know what else to say
我好開心我今日終於翻到屋企
So get ready get ready get ready
JIN：嗱 老豆講開又講啦 其實 你幾時唻美國架姐
DAD：1971年啦 我諗係咁上下啦
JIN：咁上下啊 你 你記得香港乜嘢呢
DAD：我哋嗰個年代十四五歲 都記得好多嘢嘅 不過唔同你哋依家啦
香港咁發達 其實我都好掛住嘅 嗰個年代咧我哋去啟德玩嘅 好似好濕碎嘅
JIN：咁你都可以話掛住香港啦係嗎?
DAD：梗係啦 話曬我都係香港竹昇嘛 ABC唻嘅
JIN：香港嘅ABC啊
DAD：係啊 啊仔唔好一味咁拍我膊頭啦 你問就問啦
JIN：唔係啊 咁你話晒係我老豆 我有小小壓力吖嘛
DAD：咁你拍我膊頭 拍到我訪問起上來我都驚 我都有壓力架嘛
JIN：喂咁你有壓力 我都有壓力
DAD：我都好大壓力嘎 問啦繼續問啦 你唔好一味咁拍我膊頭啦 等我
依家講到窒曬口啦 你想唔想訪問啊
JIN：想想想
DAD：你想訪問就同我講道歉先啦
JIN：OKOK 對唔住
DAD：道歉要握手先得嘎
JIN：哈哈哈哈