Lyrics Mis Velo - NOXX

I fahra mit mim Velo
Dur dia ganzi Stadt
S isch bitz en alta Kläpper
Aber es fahrt no so gad
Mis Vorderrad nid z Hinterrad
Macht es riesa 8, drfür bim Hinterrad
Isch dr Reifa platt,
Janu
Will immerhin hani en Helm a,
Falls mi doch aswenn es Auto mol fällt,
Oder aber i eifach so
Us Dummheit ufd Fressi keia.
Aaah!

Tramschiena zum Biispiel
Sind au zimli fies will
Wenn eini mol triffsch,
Denn seit sie wo sie hii will
Und das endet denn meistens damit,
Dasses di litzt, und wennd Pech hesch,
Kunt es Tram.

Doch immerhin het mis Velo
A Superkraft an sich
Es lütet nämlich
Bir kliinsta Erschütterig,
Und i fahra dur d Stross, ding dingding ding
Immerhin, etz wüssen alli woni bin
Könnti sicher nützlich sii
Brüchti mol es Alibi
Aber eigentlich, denki dasses dia meista Lüt
Eifach nervt
Eifach numa nervt
Eifach nervt
Eifach nervt

Mis Velo isch es Gschenk vu mim Papi
An dr Velobörsa hetters sich gschnappt füüür
Knapp 150 stutz, aber leider isch d Sattel-
Stanga z kurz, do muass zum ersta mol Ersatz her.
Und wenns nu das wär, es lotteret alles
Abitz aber z Meischta imna akzeptabla Mass, es
Git nur ei zwei Sacha:
Zum Bispiel z Schloss isch igarbeitet gsi
Aber de Schlüssel natürlich nid
Und mis Rückliacht
Oohh mis Rückliacht
...hans ufgeh mit dem
Bitte frogen nid
Aber bevor de Moment kunt woner eu denken
Dude, was für es Luxusproblem, mann
Willi das erwähnt ha:
I mag mi Drohtesel,
Will er bringt mi ziemli gschwind vu B zu A
D Schäda sind egal
Solangs no fahrt!

Und immerhin het mis Velo
A Superkraft an sich
Es lütet nämlich
Bir kliinsta Erschütterig, und i
Fahra dur d Stross, ding dingding ding
Immerhin, etz wüssen alli woni bin
Könnti sicher nützlich sii
Brüchti mol es Alibi
Aber eigentlich, denki dasses dia meista Lüt
Eifach nervt
Eifach numa nervt
Eifach nervt
Eifach nervt
A bitz wia das Liad