Lyrics Gjallarhorn - Nytt Land

Leika Míms synir,
En mjötuðr kyndisk
At inu galla
Gjallarhorni;
Hátt blæss Heimdallr,
Horn er á lofti,
Mælir Óðinn
Við Míms höfuð.

Skelfr Yggdrasils
Askr standandi,
Ymr it aldna tré,
En jötunn losnar;
Hræðask allir
Á helvegum
Áðr Surtar þann
Sefi of gleypir.

Hvat er með ásum?
Hvat er með alfum?
Gnýr allr Jötunheimr,
Æsir ro á þingi,
Stynja dvergar
Fyr steindurum,
Veggbergs vísir.
Vituð ér enn — eða hvat?