Lyrics Moch kan Aufstand - Ostbahn-Kurti & Die Chefpartie

Es is scho a Zeit hea
Es woa im 67er-Joa
I foa in da Tramway
Durt fliagt mi ana au
"Do schau a Beatle"
Und zupft mi an de Hoa
"Mit dera Matrotzn", sogta
"Schaust ned aus wia a Mann
Bist woam, bist a Kummerl
Oda bist des ollas z'samm?
Diskutian und nix hackln
Des bringst grod no zsamm."
Ea ratzt mi so lang
Bis i sog: "Oida, maschier!"
Do reißt ea ma ane
Und da Wagen applaudiat

Se sag'n
Moch kan Aufstand
Drah kan Füm
Auf soiche wia di
Woatns scho drübn
Moch kan Aufstand
Drah kan Füm
Auf soiche wia di
Da woatns scho drübn

No ned so lang hea
War's im 86er-Joa
I foa in da Tramway
Und hea wia ana sogt
"Wannst wos von mia wüst
Lern zerscht deitsch bitte sogn!"
"In deina Panier", sogta
"Schaust aus wia aus'm Busch
Und waunn ma wo fremd is
Is ma zerscht amoi kusch
Kassiern und nix hackeln
Kannst daham Knofl-Tschusch!"
Er razt den andern bis der sogt:
"Bitte was ist passiat?"
Do reißt a eam ane
Und da Wagen applaudiat

Se sag'n
Moch kan Aufstand
Drah kan Füm
Auf soiche wia di
Samma nix haaß do herübn
Moch kan Aufstand
Drah kan Füm
Auf soiche wia di
Samma nix haaß do herübn

Es is jetzt vierzehn Tog her
I foa grod ham von Stadlau
Steig aus da Tramway
Fliagt mi a Billardschedl au
"Sieg Heil! Kannst ned griaßn?
Mia lernan dir's scho!"
"Bist a reif fias Gas", sogta
"Mit dia waans damois Schlittn gfoan
Der Saustoi gheat ausg'mist
No vua de nächstn Wahln
Packln mit de Kanaken
Des kannst da dann maln!"
Er is auf amoi zu siebnt, wia i sog
"Burli kumm, geh ham!"
I siech d'Leit olle wegschaun
Fühl mi ganz schee allaa

Moch kan Aufstand
Drah kan Füm
Und soiche wia du
Solltn si net zu vü spün
Moch kan Aufstand
Drah kan Füm
Und soiche wia du
Solltn si net zu vü spün

Nau, wia schaut's aus
Meine Damen und Herren?
Tan ma a immer wegschaun?
Ah eh net!
Nau Gott sei dank!