Lyrics Ce Staje Tu - Peppino di Capri

Di: S. Esposito

Quanno ′a musica è fernuta
Tutt' ′e stelle so' cadute
Tutt' ′e luce so′ stutate rieste tu
Quanno 'a musica è fernuta
Dint′a pace, int' ′a nuttata
Dint'o scuro ′e chistu core pe pensà

Quanno 'a musica è fernuta ce staje tu
E t'astrigne dint′e suonne pe′ sunnà
Si fernesse stu dulore
Si dimane ascesse 'o sole pe′ scarfà

Ma quanno 'a musica è fernuta pure tu
T′annascunne 'inta stu munno pe′ campà
Ce passasse sta paura
Si bastasse 'na resata pe' cagnà
Quanno ′a musica è fernuta
Quanno ′a luna s'è addormuta
Non me serve ′na canzone... si staje ccà

Quanno 'a musica è fernuta pure tu
Staje pensanno ca′ 'stu core vo′ pazzià
Ce passasse 'sta paura
E bastasse 'na resata pe′ cagnà

Ma quanno ′a musica è fernuta ce staje tu
Che m'aspiette dint′ 'e suonne pe′ turnà
E nun servono 'e parole
E me passa ′sta paura si staje cca

...e nun servono 'e parole
A me passa 'sta paura si staje cca